Abşeron rayonuna yeni rəis – Təyinat
Səfərbərlik və Hərbi Xidmətə Çağırış üzrə Dövlət Xidmətinin Abşeron rayon şöbəsinə yeni rəis təyin edilib.
Bununla bağlı Dövlət Xidmətinin rəisi Arzu Rəhimov müvafiq əmr imzalayıb.
Əmrə əsasən, polkovnik-leytenant Quliyev Hüseyin Ziya oğlu xidmətin Abşeron rayon şöbəsinin rəisi vəzifəsinə təyinat alıb. Hüseyin Ziya oğlu Quliyev 1979-cu il avqustun 14-də Şuşa şəhərində ziyallı ailəsində anadan olub. 1995-cı ildə Gəncə şəhər 4 saylı məktəbi bitirdikdən sonra, Azərbaycan Kənd Təsərrüfatı Akademiyasına (indiki ADAU) daxil olub və 1999-ci ildə fərqlənmə diplomu ilə bitirib.
2000-ci ildə hərbi xidmətinə Müdafiə Nazirliyinin Hərbi Polis və qoşun xidməti İdarəsində Cinayət Axtarışı Şöbəsinin müfətişi kimi başlayıb.
2001-ci ildə Xətai rayon Hərbi Komisarlığında çağırış şöbəsinin zabiti, 2003-ildə Qusar rayon Hərbi Komisarlığında (HK) müavin, 2004-cü ildə Respublika HK-da şöbə rəisinin müavini, 2006-cı ildə Yasamal rayon HK-da qeydiyyat şöbəsinin rəisi, 2010-cu ildə Nəsimi rayon HK-nın çağırış şöbəsinin rəisi, 2013-cü ildə Səfərbərlik və Hərbi Xidmətə Çağırış üzrə Dövlət Xidmətinin Nəsimi rayon İdərəsinin rəisi, 2014-cü ildə Səfərbərlik və Hərbi Xidmətə Çağırış üzrə Dövlət Xidmətinin Qəbələ rayon şöbəsin rəisi, 2014-cü ilin dekabrından 2018-ci ilin iyun ayının 12-dək Səfərbərlik və Hərbi Xidmətə Çağırış üzrə Dövlət Xidmətinin Sabuncu rayon idarəsinin rəis müavini vəzifələrində çalışıb.
Ailəlidir, iki övladı var.