YAP Abşeron rayon təşkilatının və Abşeron rayon Heydər Əliyev Mərkəzinin birgə təşəbbüsü ilə 18 Oktyabr - Dövlət Müstəqilliyi Günü münasibətilə Xırdalan Şəhərində yerləşən Heydər Əliyev Mərkəzində “Heydər Əliyev – Müstəqilliyimizi əbədiləşdirən tarixi şəxsiyət” mövzusunda elmi-nəzəri konfrans keçirilib. Konfrans iştrakçıları öncə Ulu öndər Heydər Əliyevin abidəsini ziyarət edərək önünə gül-çiçək dəstələri düzüblər.
Konfransda əvvəlcə Ümummilli lider Heydər Əliyevin həyat və fəaliyyətinə həsr olunmuş film nümayiş etdirilib.
Tədbiri giriş sözü ilə açan YAP Abşeron rayon təşkilatı Gənclər Birliyinin sədri Elgün Hümbətov Azərbaycanın müstəqillik qazanmasında, inkişaf etməsində Ulu öndər Heydər Əliyevin əvəzsiz rolundan danışıb. E.Hümbətov bildirib ki, Azərbaycan dövlətinin həqiqi müstəqilliyinin, bu günki uğurlarının təməlində Ulu öndər Heydər Əliyevin müəyyənləşdirdiyi siyasət dayanır: “1990-cı illərin əvvəlində ölkəni bürüyən siyasi böhranı, anarxiyanı, xaosu, hərc-mərcliyi hər kəs xatırlayır. Yalnız 1993-cü ildə Ulu öndər Heydər Əliyev Azərbaycanda hakimiyyətə qayıtdıqdan sonra ölkəmizdə ictimai-siyasi sabitlik, milli-vətəndaş birliyi yarandı və cəmiyyət həyatının bütün sahələrində tərəqqi başladı. Ümummilli liderimizin müəyyənləşdirdiyi siyasi kurs bu gün Prezident İlham Əliyev tərəfindən uğurla davam etdirilir”.
E.Hümbətov qeyd edib ki, oktyabrın 15-də Prezident İlham Əliyevin dövlət başçısı kimi fəaliyyətinin 15 ili tamam oldu. Onun sözlərinə görə, ötən dövrdə Prezident İlham Əliyevin siyasəti nəticəsində Azərbaycan böyük inkişaf yolu keçərək dünyada böyük nüfuza malik olan dövlətə çevrilib.
Konfransda daha sonra YAP Abşeron rayon təşkilatının sədri Bilman Vəliyev “Azərbaycanın dövlət müstəqilliyinin bərpası tariximizin şanlı səhifəsidir”, YAP Abşeron rayon təşkilatının sədr müavini İlham Manafov “Heydər Əliyev və müstəqil dövlət quruculuğu siyasəti”, Abşeron Heydər Əliyev Mərkəzinin direktoru Tükəzban Həsənova “Müasir Azərbaycanın uğurları Ulu öndər Heydər Əliyevin müstəqil dövlətçilik strategiyasının əməli nəticəsidir” mövzusunda məruzələrlə çıxış ediblər.
Şamo Əliyev
