Bu günlərdə Səhiyyə Nazirliyində kollegiya iclası keçirdib. Oqtay Şirəliyev çıxış edərək bildirib ki, səhiyyənin göstəricilərindən danışarkən ilk növbədə ana və uşaqların sağlamlığı önə çəkilir. Xoşagəlməz halların qarşısını vaxtında almaq üçün müxtəlif tədbirlər görülür, məlumatlar verilir. Lakin bütün bunlara baxmayaraq yenə də 18000 hamilə qadın həkim məsləhətxanasına müraciət etməyib, bir çox nöqsanlara yol verilib, körpələr ana südü ilə əmizdirilmiyib. Bildirilib ki, bu cür hallar yolaverilməz nöqsanlardır. Belə halların azaldılması üçün maarifləndirmə işləri gücləndirilməli, yeni layihələr və təkliflər irəli sürülməlidir.
Elə bu məqsədlə Abşeron rayonu Fatmai kəndində hamilə qadınlar, qaynanalar və ailə qurmağa, ana olmağa hazırlaşan xanımlarla görüş keçirilib. Fatmai həkim məntəqəsinin müdiri və ailə həkimi Sücaət Zeynalova, mama ginekoloq Rəqibə İsbiyeva və Əminə İsmixanova tərəfindən ailə planlaşdırılması, hamiləlikdən qorunma yolları, hamiləlik zamanı antenatal qulluq, qidalanma, xəstəliklər, doğuş, doğuşdan sonra zahılıq dövrü, ana südü ilə körpənin qidalanması və ana südünü artıran qidalar haqqında məlumat verilib
Toplantıda iştirak edən sakinlərə bu haqda xüsusi hazırlanmış məlumatlar paylanılıb.
Məlumat üçün bildirək ki, bu səpkidən olansilsilə tədbirlər planlı olaraq Abşeron rayonunun bütün kənd və qəsəbələrində davam etdiriləcək .
230
0
1 146
0
