Abşeronun tarixi qədim olsada bildiyimiz kimi rayon kimi yarıməsirlik fəaliyyəti var.Rayonda ilk fəaliyyət illərimi xatırlayanda, soyuq , odun sobaları ilə isitdiyimiz, uyğunlaşdırılmış otaqlar yadıma düşür.Amma artıq 8 ildir ki, bütün bu əziyyətli günlərimiz geridə qalıb.Sözün həqiqi mənasında hər şey ailənin başçısından asılıdır. Bizim bu Abşeron kimi böyük ailənin başçısı isə cənab Zakir Fərəcovdur.
Fərəcov Zakir Fərəc oğlu 3 fevral 1954-cü ildə Laçın rayonunun Qazıdərə kəndində anadan olmuşdur. 1980-ci ildə D.Bünyadzadə adına Xalq Təsərrufatı İnstitutunun «Sənaye İqtisadiyyatı» fakultəsini bitirmişdir.
Əmək fəaliyyətinə 1971-ci ildə Sumqayıt Superfosfat zavodunda fəhlə kimi başlamışdır.
1972 – 1974-cü illərdə keçmiş Sovet Ordusunda həqiqi hərbi xitmətdə olmuşdur.
1975 – 1978-ci illərdə Sumqayıt şəhəri Mənzil Kommunal Təsərrufatı İstehsalat birliyində texnik, 1978-1981-ci illər ərzində şöbə rəisi, 1981-1988-ci illərdə baş direktorun müavini və 1988-2000-ci illədək isə baş direktor vəzifələrində çalışmışdır.
1999-cu ildə keçirilən bələdiyyə seçkilərində iştirak etmiş və Sumqayıt şəhər bələdiyyəsinin sədri seçilmişdir. 2005-ci ilədək Sumqayıt şəhər bələdiyyəsinin sədri vəzifəsində çalışmışdır.
2005-ci ilin avqust ayının 11-də Azərbaycan Respublikası Prezidentin 956 saylı Sərəncamı ilə Abşeron rayon İcra Hakimiyyətinin Başçısı vəzifəsinə təyin edilmişdir.
Əgər biz 2005-ci il ilə bugünkü Abşeronu qarşılaşdırsaq irəliləyiş sizi heyrətə gətirə bilər.Quruculuq-abadlıq işlərindən tutmuş, təhsil, səhiyyə, mədəniyyət və s. sahələrdəki irəliləyiş tempini izləmək çətindir.
Bəli Zakir müəllim həqiqətəndə Azərbaycan ziyalısıdır, elə bu səbəbdən nəzərindən yayınan heç bir sahə yoxdur.O, ilk növbədə əsas diqqətini təhsilə ayırmışdır.
Ulu Öndər Heydər Əliyevin "Təhsil millətin gələcəyidir" sözlərini rəhbər tutaraq, ilkin mərhələdə soyuq məktəb və uşaq bağçası binalarının hər birini istiliklə təmin etdi.Onun fəaliyyətə başladığı dövürdən rayonda 11 yeni orta məktəb, 7 yeni uşaq bağçası tikilib istifadəyə verilib, 3 məktəb binası tam sökülərək yenidən tikilib, 4 məktəb binasına əlavə korpus tikilib, istifadəyə verilmişdir.
Əgər 2005-ci ildə rayonun orta məktəblərini bitirib ali məktəblərə qəbul olanların sayı cəmi 7% -i təşkil edirdisə, 2012-2013-cü ilin nəticələrinə görə bu göstərici 60% olmuşdur.Bu rayon rəhbərinin qayğısının nəticəsidir.Rayon rəhbəri cənab Zakir Fərəcov hər il Ali məktəblərə yüksək balla daxil olan abituriyentlərə dəyərli hədiyyələr təqdim edirərək, onları bu yeniyetmə yaşlarından zəhmətlə qazanılan nailliyyət yollarına istiqamətləndirir.
Zakir müəllimin rayonumuz üçün gördüyü işləri sadalamaqla bitməz.Ucqar kənd və qəsəblərimizin hər biri qaz, su, elektrik enerjisi ilə təmin olunub.Hər bir kəndimizdə mərkəzi küçələri asfalt döşənib.
Kənd və qəsəbələrimizdən sakinlər sağlamlıqla kiçik problemləri ilə bağlı mərkəzə gəlməli olurdular indi isə demək olar ki, hamısında ambulatoriya və ya tibb məntəqələri var.Xırdalanın mərkəzi xəstəxanası isə əsaslı təmir olunub, yeni avadanlıqlarla təmin edilib.Artıq cərrahiyə əməliyyatları üçün insanlar paytaxt şəhərə yox elə Abşeronun mərkəzi Xırdalan şəhərinə üz tututrlar.
Bu işlərin özülünü qoyan bizim rayonun əvəzsiz xadimi cənab Zakir Fərəcovdur, işlərin bəhrəsini görən isə Abşeron sakinləri bir sözlə Azərbaycan xalqıdır.
Görülən hər bir halal zəhmətin bəhrəsini görür insan.Zakir müəllimin töhfəsi xalqın sevgisi, ona olan hörmətidir.Amma Prezidentimiz isə onun bu gərgin əməyinə xüsusi bir qiymət verdi.Beləcə cənab Zakir Fərəcov Azərbaycan Respublikası Prezidentinin 26 dekabr 2012-ci il tarixli 2625 saylı Sərəncamına əsasən "Şöhrət" ordeni ilə təltif olundu.
Zakir müəllimin gördüyü işlərin 10%-ni mən bu məqaləyə sığdırmağa çalışdım.Növbəti məqalələrimizdə daha ətraflı.....
Redaktor:Çinarə Sadıqova
