ATƏT-in Demokratik Təsisatlar və İnsan Haqları Bürosu (DTİHB) Azərbaycanda keçiriləcək növbədənkənar prezident seçkilərinə müşahidə missiyası göndərəcək.
Bu barədə ATƏT-in saytında bildirilir.
Fevral ayında Azərbaycanda səfərdə olan ehtiyacların qiymətləndirmə missiyası səfərlə bağlı hesabat açıqlayıb və Azərbaycanda keçiriləcək prezident seçkilərini müşahidə etməklə bağlı tövsiyə verib.
Bununla bağlı Büro 7 pozisiya üzrə vakansiyalar elan edib:
Missiya başçısı
Missiya başçısının müavini
Siyası analitik
Seçkilər üzrə analitik
Hüquqi analitik
Media-analitik
Uzunmüddətli müşahidəşilərin koordinatoru
Qeyd olunur ki, ölkəmizə 280 nəfərin bilavasitə seçkilər günü müşahidə üçün (qısamüddətli müşahidəçilər), həmçinin 30 uzunmüddətli müşahidəçinin göndərilməsi tövsiyə olunur.
Qeyd edək ki, aprelin 11-də Azərbaycanda prezident seçkiləri keçiriləcək.
