“ELS” Müstəqil Araşdırmalar Mərkəzi 11 aprel prezident seçkiləri ilə bağlı 118 seçki dairəsinin 300 seçki məntəqəsində “exit-poll” keçirib.
“Exit-poll”da 60 min anketdən istifadə edilib. Sorğunun ilkin nəticələri səsvermə başa çatdıqdan sonra ictimaiyyətə açıqlanıb. Nəticələrə əsasən səslər namizədlər arasında aşağıdakı kimi bölünüb:
Əliyev İlham Heydər oğlu- 82,71 faiz
Əlizadə Araz Məmməd Mübariz oğlu-1,87 faiz
Hacıyev Hafiz Ələmdar oğlu-2,01 faiz
Həsənquliyev Qüdrət Müzəffər oğlu- 4,23 faiz
Məmmədov Sərdar Cəlal oğlu-3,56 faiz
Nurullayev Razi Qulaməli oğlu-0,92 faiz
Oruc Zahid Məhərrəm oğlu-3,37 faiz
Quliyev Fərəc İbrahim oğlu- 1,33 faiz
Sorğuda iştirak edənlərin 55,1 faizini kişilər, 43,1 faizini qadınlar təşkil edib. Yaş kateqoriyalarına görə respondentlərin 3,9 faizi 18-19 yaş, 17,1 faizi 20-29 yaş, 23,2 faizi 30-39 yaş, 19,4 faizi 40-49 yaş, 19,1 faizi 50-59 yaş və 15,6 faizi 60 yaşında və ondan yuxarı olub.
Bundan başqa, səsvermə prosesinin təşkilini respondentlər bu cür qiymətləndirib: 96,9 faiz müsbət, 1 faiz mənfi.