“ASAN Xidmət” mərkəzləri fəaliyyətə başladığı gündən etibarən gənclərlə əməkdaşlıq edər və onları mərkəzlərdə könüllü kimi fəaliyyətə cəlb edir. Sevindirici haldır ki, bu gün artıq 17 mindən çox gənc “ASAN Xidmət” mərkəzlərində könüllülük fəaliyyətinə qoşulub. Onlar burada ictimai sosial məsuliyyətini dərk edərək, müxtəlif təlimlərdə, layihələrdə, fəaliyyətlərdə aktiv şəkildə iştirak edirlər ”.
O bildirib ki, “ASAN Xidmət” mərkəzlərində könüllülük fəaliyyəti gənclərin fərdi və peşəkar inkişafında da xüsusi rol oynayır: “ASAN Xidmət” mərkəzlərində könüllülük fəaliyyəti iki ay müddətində təşkil olunur. Bu müddət ərzində onlar mədəni, ekoloji, sosial, vətəndaş məsuliyyəti prinsipindən çıxış edərək müxtəlif təlim, layihə, tədbir və fəaliyyətlərdə iştirak edirlər. Eyni zamanda gənclərin fərdi və peşəkar inkişafı ilə bağlı kurslarda iştirak etməsi, onların gələcək karyeralarına öz müsbət təsirini verir”.
S. Məmmədli ötən gün 2 fevral – Gənclər gününə həsr olunan respublika toplantısında Prezident İlham Əliyevin “ASAN Xidmət” mərkəzlərinin könüllülük fəaliyyətini xüsusi qeyd edərək deyib: “Dövlət başçısı da toplantıda Könüllülər hərəkatının “ASAN xidmət”dən başladığını və “ASAN xidmət”də işləyənlərin mütləq əksəriyyətini gənclər təşkil etdiyini qeyd edərək, “ASAN xidmət”in milli intellektual, innovasiya məhsulu olduğunu bir daha gənclərin diqqətinə çatdırdı. Ölkə başçısı digər dövlət qurumlarına könüllülük fəaliyyətinin yaradılması istiqamətində tövsiyələrini verərək, gənclərimizin cəmiyyət üçün faydalı olduğunu bildirdi. Bu gənclərimizin müxtəlif təşkilatlarda təmsil olunması istiqamətində atılan addım kimi qiymətləndirilməli, dövlətin gənclərin məşğulluğunun artırılmasında maraqlı olduğunun bariz göstəricisidir”.
Sektor müdiri qeyd edib ki, Azərbaycanda gəncləri onlara göstərilən qayğın qarşılığında öz üzərilərində daha da çalışmalı və öz fəaliyyətləri ilə ölkəmizin inkişafına xidmət etməlidirlər: “Ölkə başçısının da ötən gün toplantıda qeyd etdiyi kimi, gənclər daim üzərilərində çalışmalı, təhsillənməli, maariflənməli, öz bilik və bacarıqlarını aşkara çıxarmağı bacarmalıdır. Prezident İlham Əliyevin bu tövsiyələri Azərbaycan gəncliyinin uğur düsturudur”.
