“Daim xalqın yanında olmaq, onun çətinliklərini öyrənmək və problemlərin operativ həlli istiqamətində tədbirlər görmək Prezident İlham Əliyevin iş tərzidir. Biz həmişə cənab Prezidentin xalqın yanında olduğuna şahid olmuşuq”.
Prezident İlham Əliyevin zəlzələnin baş verdiyi Şamaxı rayonuna səfərinin dövlət başçısının hər zaman xalqın yanında olmasının daha bir göstəricisi olduğunu deyən deputat söyləyib ki, Cənab Prezidentin bu dəfə də problemlə yerində tanış olması və təbii fəlakətdən ziyan çəkmiş insanların çətinliklərinin operativ həlli istiqamətində mühüm addımların atılması nümunəvi addımlardır:
“Zəlzələ təbii fəlakətdir və heç bir ölkə bundan sığortalanmayıb. Lakin ən əsası baş verənlərin aradan qaldırılması istiqamətində operativ fəaliyyətdir ki, ölkə başçısının tapşırığı ilə Azərbaycanda bu fəaliyyət yüksək səviyyədə ortaya qoyulur”.
İ.Məmmədov qeyd edib ki, Prezident İlham Əliyev və Birinci vitse-prezident Mehriban Əliyeva məsələ ilə yaxından maraqlanaraq hadisədən zərər çəkmiş insanların, ümumilikdə xalqın yanında olduqlarını bir daha nümayiş etdirdilər: “Heydər Əliyev Fondunun könüllüləri də hadisədən dərhal sonra zəlzələ bölgəsinə getdilər, insanlara yardım göstərdilər”.