Fevralın 25-də Novxanı kənd 2 saylı tam orta məktəbdə Abşeron rayon Polis idarəsinin təşkilatçılığı, Abşeron rayon İcra Hakimiyyətinin dəstəyi və digər qrumların əməkdaşlarının iştirakı ilə "Narkomaniya ümumibəşər bəladır" mövzusunda keçirilən tədbir dövlət himninin səsləndirilməsi ilə başlayıb. Gəncləri maarifləndirmə məqsədi daşıyan tədbirdə adıçəkilən təhsil müəssisəsinin müdiri , müəllim və şagird heyəti, habelə Abşeron RİP-nin İctimai Təhlükəsizlik İdarəsinin yetkinlik yaşına çatmayanlarla işin təşkili qrupununn baş inspektoru - polis mayoru Elburus Əhmədov, RİP-nin rəsi müavini- polis polkovniki Elçin Rəcəbov, rayon Gənclər və İdman İdarəsinin rəisi Əsgər Əmirəliyev, Abşeron rayon Novxanı kənd polikilinkasının həkimi Risalə xanım , RİH-in Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov, RİP-nin –polis leytinantı Beyrək Nəsirov və kütləvi informasiya vasitələrinin nümayəndələri iştirak ediblər.
Tədbir iştirakçıları əvvəlcə Xocalı faciəsi qurbanlarının, həmçinin Azərbaycanın müstəqilliyi və ərazi bütövlüyü uğrunda şəhid olan soydaşlarımızın xatirəsini bir dəqiqəlik sükutla yad ediblər.
“Narkomaniya ümumbəşəri bəladı”, “Narkotikə yox deyək” və “Narkomaniya sosial bəladır” mövzusunda keçirilən tədbirdə Abşeron RİP-nin İctimai Təhlükəsizlik İdarəsinin yetkinlik yaşına çatmayanlarla işin təşkili qrupununn baş inspektoru - polis mayoru Elburus Əhmədov, Abşeron rayon Polis İdarəsinin rəis müavini polis polkovniki Elçin Rəcəbov, RİH-in Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov, RİP-nin –polis leytinantı Beyrək Nəsirov, rayon Gənclər və İdman İdarəsinin rəisi Əsgər Əmirəliyev və digər natiqlər çıxış ediblər.
Çıxış edən natiqlər narkomaniyanı bəşəriyyətin ən böyük bəlası adlandıraraq şagirdlərə onun cəmiyyətin mənəvi və əxlaqi dəyərlərinə böyük zərbə vurduğunu, sosial-iqtisadi inkişafa mənfi təsir göstərdiyini, insanların həyat və sağlamlıqlarına ciddi təhlükə yaratdığını və cinayətkarlığın artmasına səbəb olduğunu vurğulayıblar.
Toplantıda Elcin Rəcəbov narkomaniyaya qarşı mübarizə üzrə təbliğat işlərinin aparılmasında ailənin və təhsil müəssisələrinin üzərinə daha çox məsuliyyətin düşdüyünü vurğulayıb.
Digər çıxışlarda da vurğulandı ki, “ağ ölüm”lə mübarizədə gənclər arasında maarifləndirmə işinin aparılması və bu sahədə təhsil müəssisələri, kitabxanalar, idman təşkilatları, eləcə də ictimaiyyətin rolu böyükdür.
Tədbirin sonunda bu bəlaya düçar olanlar barəsində süjet təqdim olunub, şagirdləri maraqlandıran mövzular barədə fikir mübadiləsi aparılıb.
Şamo Əliyev
