Tədbiri bağçanın müdiri Aybəniz Sadıxova giriş sözü ilə açaraq uşaqları, valideynləri, gələn qonaqları və bağçanın kollektivini bayram münasibətilə təbrik edib, onlara uzun ömür, möhkəm can sağlığı, süfrələrinə bol ruzi-bərəkət, hər bir ailəyə sevinc və səadət dolu illər arzulayıb.
Məktəbəqədər tərbiyə müəssisələrinin əməkdaşları və valideynlərin iştirak etdiyi bayramsayağı bəzədilmiş bağçada əvvəlcə Azərbaycan və rus bölmələrinə aid hazırlıq qruplarının hazırladıqları kompleks məşğələlərə baxılıb və “Sehirlər ailəminə səyahət ” adlı musiqili-əyləncəli tədbir nümayiş etdirilib.
Şənlikdə həmçinin balaca fidanların hazırladıqları “Torpaqdan pay olmaz” səhnəciyi maraqla izlənilib.Rəngarəng kompozisiya ilə davam edən bayram tədbirində uşaqlar şeirlər söyləyib, şən mahnılar və rəqslər ifa ediblər.Şənlik xoş əhval-ruhiyyə və əsl bayram ovqatı yaradıb, balacalara əyləncəli anlar yaşadıb.
Sonra bağçanın tərbiyəçiləri və qonaqlar çıxış edərək, hər kəsi bayram münasibətilə təbrik edib, onlara və ümumilikdə rayonun bütün təhsil müəssisələrinə və bağçalara göstərilən diqqət və qayğıya görə rayon İcra Hakimiyyətinin başçısı İradə Gülməmmədovaya dərin minnətdarlıqlarını ifadə ediblər.
Sonda bağçanın müdiri Aybəniz Sadıxova məşəllə meydanın ortasında çatılmış tonqalı alovlandırdıqdan sonra bağçanın kollektivi, qonaqlar , milli geyimli qızlar və oğlanlar tonqalın ətrafında dövrə vuraraq yallı gediblər.
Şamo Əliyev
