Bu günlər respublikamızın hər yerində olduğu kimi, Abşeron rayonunda bütün idarə və müəssisələrində də Novruz bayramı təntənə ilə qeyd olunur.
Rayonun idarə və müəssisələrində, elm və təhsil ocaqlarında novruz bayramına həsr olunmuş silsilə tədbirlər bu qədim və milli bayrama sevginin bu gün də azalmadığının göstəricisidir.
Belə tədbirlərdən biri də Xırdalan şəhər 17 saylı uşaq bağçasında keçirilmişdir. Rayonumuzda şəhid və müharibə veteranlarına qayğı və diqqət həmişə yüksək səviyədə təşkil olunur. Bu bayram münasibətilə aztəminatlı ailələr, şəhid və vetranlar, ahıllar yad olunur. Xırdalan şəhər 17 saylı bağçanın kolektivi bu nəcib və gözəl işlərdə yaxından iştirak edir. Bu günkü tədbirə dəvət olunmuş tədbirin ali qonaqları Qobu qəsəbəsinin sakini olmuş bu gün qobuluların fəxri olan, döyüş tapşırığını yerinə yetirərkən şəhid olmuş Silahlı Qüvvələrin əsgəri Heydərov Əli İntiqam oğlunun atası İntiqam Heydərov, Masazər kənd sakini 1994 cü ildə şəhidlik zirvəsinə ucalan Dünyamalıyev Rafiq Dünyamalı oğlunun atası Dünyamal kişi, Şəhid bacısı Zülfiyə Dünyamalıyeva və 1974- cü ildə Qərbi Azərbaycanın (Qara kilsə) Sisyan rayonunun Şəki kəndində dünyaya gəlmiş, Xırdalan şəhər 3 saylı Liseyi bitirən, 17 yaşı olarkən Qarabağda gedən döyüşlərə könüllü olaraq qatılan, bir çox çətin vəzifələri yerinə yetirən, döyüş tapşırıqlarının öhdəsindən məharətlə gələn, Ümummilli Lider Heydər Əliyevin cəbhə bölgəsinə səfərində Fizuli rayonunun ərazisində "Malış" ləqəbi ilə tanınan bu cavan qəhrəmanla görüşü tarixə düşən Adil Kərimov . Ali Baş Komandana xidmət edirəm deyən Adil sonralarda bir cox döyüşlərdə şücaət göstərir. Atəşkəs sazişi bağlandıqdan sonra Kərimov Bakı Ali Komandirlər məktəbinin, Türkiyə Nato Hərbi Akademiyasını bitirir. “igidlik orden”, “Vətən naminə”, “Azərbyacan bayrağı” fəxri diplomlara layiq görülür. Uşaqlıqdan hərbiçi və rabitəçi olmaq arzusu A. Kərimovu Rabitə İnformasiya Texnalogiya Nazirliyinə aparır. Bu gündə bu sahədə çalışır. Respublikamızı dünyaya tanıdan Adil müəllim bir çox tədbirlərin təşkilatçısıdır. Xocalı soyqrımını xarici dillərdə çap etdirərək bu faciəni bütün dünyaya yayaraq əsrin faciəsindən hamını xəbərdar edir. Almaniya, Türkiyə, İzrail kimi ölkələrdə Azərbaycan muzeyləri təşkil edib. Tariximizi, coğrafi mövqeyimizi, mədəniyyətimizi tanıtmağa çalışır. Aprel döyüşlərində cəbhəyə yolanaraq Azərbaycanın üç rəngli bayrağını “Lələtəpə” yüksəkliyinə gətirən Adil Kərimov idi.
Tədbiri giriş sözü ilə tədbirin təşkilatçısı bağçanın tərbiyəçisi Aytac Mirzəyeva “İlaxır çərşənbə” günü münasibətilə qonaqları, bağçanın rəhbərliyini və kolektivini təbrik etdi. Yurdumuza yaz gəlir, bahar öz gəlişi ilə hamını sevindirir. Novruz bayramı xalqımızın qədim, milli və ən sevilən bayrmıdır.
Sonra balaca fidanlar “Novruz gəlir yaz gəlir” mahnısı ilə səhnəyə təşrif buyurdular. “Yallı” sədaları ilə tədir başlandı.
Bu bayram əbədi verilib bizə,
O gün təslim olur gecə gündüzə.
Yaşasın, eşq olsun, gəlməsin gözə,
Xalqımın seviçli Novruz bayramı.
Bağçanın uşaqlarından ibarət qızlar “Lolo” rəqsi ilə tədbiri cuşa gətirdilər. Balacalar “Salamladıq bülbülü” şerini söylədilər. “Çobanlar” rəsi tədbir iştirakçılarının alqışları ilə qarşılandı. Sonra “Əsgər andı” mahnısı ilə Milli ordumuzun geyimləri ilə balaca igidlər and içdilər. “Torpaqdan pay olmaz” səhnəsi nümayiş edildi.
Novruzun simvollarından olan “Bahar qızı” öz məhəbbəti, səmimiyyəti, yaz kimi gözəlliyi ilə məclisə gəldi. Bahar qızının gözəl rəqsindən sonra “Kosa və Keçal” öz zarafatları ilə hamını güldürdülər.
“Kosa və Keçal deyişməsindən sonra yenidən balacalar rəqs edərək mahnılar oxudular.
17 saylı uşaq bağçanın müdiri Könül İbrahimova çıxış edərək uşaqları, onların valideynlərini, bağçanın kollektivini və tədbirə dəvət almış qonaqları bayram münasibətilə təbrik etmiş, onlara əmin-amanlıq, ruzi-bərəkət və firəvan həyat arzulayıb.
Tanınmış xanəndələrin ifasında rəngarəng musiqi çələngi, vətənə, sülhə, anaya, bahara həsr olunmuş maraqlı şeirlər və səhnəciklər təqdim olunub.
Milli geyimlərdə olan körpələr bahar tumurcuqlarına, yaz çiçəklərinə bənzəyirdilər. Gözlərindəki təbəssüm və sevinc işıqları hər tərəfi nura boyayırdı.
Sonda bağçanın rəhbərliyi tərəfidən bayram münasibətilə şəhid ailələrinə madiyardım və hədiyəllər təqdim olundu.
