Xırdalan şəhər 2 saylı tam orta məktəbin 7-ci sinif şagirdləri arasında Biologiya aylığı çərçivəsində "Biologiya" adlı bilik yarışı keçirilib. Yarışda ümumilikdə 9 komanda iştirak edib. Hər komandada 6 iştirakçı olub.Yarış 2 turda keçirilib. Hər turda şagirdlərə Bilologiya fənni ilə bağlı təfəkkür, məntiqi inkişafa əsaslanan ümumi bilik, gündəlik həyatda biologiya mövzusundan ibarət 10 sual səsləndirilib.
Qalib komanda turlar üzrə qazanılmış ümumi xallar əsasında müəyyən edilib. Gərgin mübarizə şəraitində keçən yarışmada birinci yeri 44 xalla “Zəfər” komandası tutub. İkinci və üçüncü yerləri isə müvafiq olaraq 43 xalla “Zirvə”, 42 xalla “Zəka” komandası qazanıb.
Məktəb rəhbərliyi və biologiya fənn metod birləşmə rəhbərinin təşkilatçılığı ilə həyata keçirilən yarış şagirdlərin biologiya fənn biliklərini inkişaf etdirməklə, eyni zamanda gənc nəslin elmə, maarifləndirici yarışlara marağının artırılması məqsədi daşıyır.
Xatırladaq ki, "Bilologiya” bilik yarışmasında məktəbin digər aşağı sinif şagirdlərinin iştirakı ilə maraqlı rəqs və saz alətində musiqi ifa olunub.
Sonda qalib komanda və fəal iştirakçılar ayrı-ayrılıqda məktəbin rəhbərliyi tərəfindən mükafatlandırılıblar.
Şamo Əliyev