Tədbiri giriş sözü ilə açan məktəbin direktoru qey etdi ki, təhsil cəmiyyətin inkişafını şərtləndirən ən başlıca amillərdən biri olmaqla,Ulu Öndər Heydər Əliyevin ”Cəmiyyətin gələcək tərəqqisi indi gənclərimizə nəyi və necə öyrətməyimizdən aslıdır” kəlamı Xırdalan şəhər 10 saylı məktəbin müəllimləri qarşısında da ciddi vəzifələr qoyur.
Buna görə də birincilərin əlifba bayramı onların arzularına işıq salan ilk bilik bayramıdır.
Birincilərin sərbəst düşüncə qabiliyyətiləri keçirilən tədbirdə öz əksini tapdı. Onların təxəyyülünün məhsulu olaraq yaratdıqları " Bilik dövləti” nə nağıllar aləmi ilə səyahət valideynlərin, tədbir iştirakçıların böyük marağına səbəb oldu.
Uşaqlar öz arzularını qurduqları "Bilik dövlətin” timsalında reallaşdıra bildilər. Bu bayramın böyük həvəslə əlamətdar şəkildə qeyd edilməsi ölkə prezidentimiz Cənab İlham Əliyevin təhsilə olan qayğısının və təhsil sahəsində aparılan məzmun islahatının təcəssümüdür..məktəbin direktoru Elnarə Həsənova çıxışını birincilərə uğurlar arzulayaraq yekunlaşdırdı.
Rayon Təhsil şöbəsinin ictimayyətlə əlaqələr şöbəsinin nümayəndəsi Aysel Tahirova tədbirin əhəmiyyətindən danışaraq bildirmişdir ki, ömrümüzün ən maraqlı, xatirəyə çevrilən anları məhz uşaqlıq illəridir. Biz birincilərin balaca, lakin öz xəyallarında uydurduqları zəngin dünyalarına səyahət etməyi bacarmalıyıq. Bunun üçün, ilk növbədə, onlarla təmasda olmaq gərəkdir.
Şagirdlər müəllimlərinin çəkdiyi zəhməti yüksək qiymətləndirmişlər. Bildirmişlər ki, müəllimimizin zəhməti sayəsində əlifba bizə çox şey öyrətdi. Bizə yazmağı, oxumağı, düşünməyi, vətənimizə, bayrağımıza, gerbimizə, himnimizə məhəbbəti aşıladı. Bütün bunlara görə sevimli müəllimlərimizə minnətdarıq. Məktəbin 1-ə və 1-e sinif şagirdlərinin hazırladıqları səhnəciklər tədbir iştirakçılarının alqışları ilə qarşılandı.
Sonra şagirdlər əlifba sırası ilə bir-bir vətənə, müstəqil Azərbaycana, məktəbə, müəllimə aid şeir söyləmiş, rəqs etmiş və ədəbi-bədii kompozisiya göstərmişlər.
Tədbirdə iştirak edən valideynlər, tədbirin təşkilatçıları 1-e sinif rəhbəri Şəlalə Məmmədova və 1-ə sinif rəhbəri Nəzrin Məmmədova çıxış edərək demişlər ki, müəllim peşəsi bütün zamanlarda ən çətin peşələrdən sayılmışdır. Lakin onların arasında sinif müəlliminin işi isə daha ciddi məsuliyyət tələb edir. Çünki birincilərə ilk hərfi, əlifbanı öyrədən birinci sinif müəllimidir.
Sonda birincilər müəllimləri ilə xatirə şəkli də çəkdirmişlər.
