26 iyun - Azərbaycan Silahlı Qüvvələr Günü münasibətilə ilə Xırdalan şəhər 17 saylı körpələr evi - uşaq bağçasına "Ordum varsa yurdum var" adlı tədbir keçirildi. Dövlət himninin canlı iafası ilə başlanan tədbirdə balaca fidanlar əsgər geyimlərində əllərində bayraqlar səhnəyə çıxaraq vətənpərvərlik ruhunda şeirlər, mahnılar oxudular.
Uşaq bağçasının müdiri Könül İbrahimova tədbiri giriş sözü ilə açaraq bu günün önəmi barədə məlumat verdi. Bu gün qüdrətli, şanlı və güclü ordumuzla vətəndaşlarımız fəxr edir. Təkcə son 4 günlük müharibəni nəzərə alsaq Azərbaycan ordusunun nəyə qadir olduğunu gördük. Bağçamızda vətənpərvərlik ruhunda tez- tez bu kimi tədbirlər qeyd olunur. Çalışırıq ki, balacalar vətəndaş olaraq, dövlətimizə, xalqımıza vətənimizə layiqli övlad kimi yetişsinlər.
Sonra Abşeron rayon İcra Hakimiyyətinin aparıcı məsləhətçi, Yetkinlik yaşına çatmayanların işləri və hüquqlarının müdafiəsi üzrə komissiyanın uşaqlarla iş üzrə məsləhətçi-psixoloqu Seymur Qasımov çıxış edərək Azərbaycanda həyata keçirilən ordu quruculuğundan danışıb. Azərbaycan silahlı qüvvələrinin hərbi potensialına, döyüş qabiliyyətinə, təchizatına görə regionun güclü ordusuna çevrildiyini vurğulayan aparıcı məsləhətçi qeyd edib ki, artıq ordumuz istənilən tapşırığı həyata keçirməyə tam hazırdır. “Bizim yeniyetmələrimiz, uşaqlarımız vətənpərvərlik ruhunda böyüməli, tərbiyə olunmalıdır. Bu işdə bağça müəllimlərinin, tərbiyəçilərin çox böyük rolu vardır”.
Çıxış edən Qarabağ döyüşçüləri, Xüsusi təyinatlılar Həsənov Rüfət, Mehdiyev Natiq çıxış edərək rayon rəhbərlitinə və uşaq bağçasının kolektivinə Milli ordumuzun gününü keçirdiklərinə, balaca fidanları vətənpərvərlik ruhunda yetişdirdiklərinə, uşaqlarda dövlətə, vətənə sevgini aşladıqlarına görə öz təşəkkürlərini bildirdilər.
Bağçanın tərbiyəçisi Sevinc Seyfullayevanın hazırladığı "Ordum varsa yurdum var" adlı tədbir davam etdi. Balacalar müxtəlif şerlər deyərək mahnılar oxudular. Əllərində üç rəngli bayraqlarımız balaca ürəklərində vətən adlı böyük məhvum olan fidanlar vətənpərvərlik barədə rəngarəng çıxışlar etdilər. "Azərbaycan güclü dövlətdir və Azərbaycanın güclü ordusu var şüarı ilə tədbir yekunlaşdı.
Bağçanın həyətində sülh rəmzi olan göyərçinlər üçürdan uşaqlar "Biz sülh istəyirik" mahnısının ifa etdilər.Sonda xatirə şəkli çəkildi.
