Oktyabrın 18-də Xırdalan şəhər 2 nömrəli tam orta məktəbdə 18 oktyabr Müstəqillik Günü ilə əlaqədar "Müstəqilliyimiz əbədidir" adlı dəyirmi masa
keçirilib.
Azərbaycan Respublikasının Dövlət himni ilə başlanan tədbirdə çıxış edən məktəbin direktoru Ədalət Camalova Azərbaycan Respublikasının inkişaf etdiyini, müstəqillik qazandığımız son 26 ildə istər iqtisadi, istərsə də sosial sahədə irəlilədiyini vurğulayıb. "Müstəqil dövlətimizin sürətli və ardıcıl inkişafına təkan verən bütün tədbirlər böyük uzaqgörənliklə hazırlanmış inkişaf strategiyasının uğurlu tətbiqinin praktik nəticələridir. Müasir Azərbaycan dövlətinin qurucusu, ümummilli lider Heydər Əliyevin müəyyənləşdirdiyi strategiyanın Prezident İlham Əliyev tərəfindən uğurla həyata keçirilməsi Azərbaycanın qarşısında böyük imkanlar açır."
Yığıncaqda məktəbin tarix müəllimi Vüsal Kazımov Azərbaycanın müstəqillik tarixi haqqında ətraflı məlumat verib.
Daha sonra müəllimlərin və bir qrup şagirdin çıxışı dinlənilib. Tədbirdə vətənpərvərlik mövzulu videoçarx nümayiş olunub.
Şamo Əliyev