Xırdalan şəhər 2 № məktəbdə Dövlət Bayrağı Günü və Konstitusiya Günü qeyd olundu

10 noyabr 2017-ci il tarixdə Xırdalan şəhər 2 № məktəbdə 9 noyabr-Bayrağı Günü və 12 noyabr Konstitusiya Günü münasibətilə tədbir keçirilib.

Tədbir iştirakçıları ilk öncə məktəblilərin əl işlərindən ibarət sərgi ilə tanış olublar.

Məktəbin akt zalında baş tutan tədbirdə Azərbaycan himni səsləndirlib və səhnəyə Azərbaycan bayrağı gətirilib.

Sonra məktəbin Dövlət Bayrağı günü münasibəti ilə hazırladığı video çarx nümayiş etdirilib.

Bayram tədbirində məktəbin direktoru Ədalət Camalova məruzə edib. Ə.Camalova bildirib ki, müasir Azərbaycanın qurucusu, Heydər Əliyevin təşəbbüsü ilə üçrəngli milli bayrağımız ilk dəfə 1990-cı ildə Naxçıvanda dalğalanmış , nəticədə 1991-ci ildə Azərbaycan Ali Soveti tərəfindən dövlətin əsas atributu kimi qəbul edilmişdir. Heydər Əliyevin təməlini qoyduğu dövlətçilik ənənələri ölkə başçısı İlham Əliyev tərəfindən davam etdirilir , hər il 9 noyabr tarixi Dövlət Bayrağı Günü kimi qeyd olunur , Dövlət Bayrağı Meydanının tikilib istifadəyə verilməsi və burada dünyada ən hündür bayraq dirəyinin ucaldılması bunun bariz nümunəsidir .
Məktəb direktoru həmçinin Azərbaycan Xalq Cümhuriyyətinin İstiqlal bəyannaməsindən və Azərbaycan SSR Konstitusiyasından, ulu öndər Heydər Əliyevin təşəbbüsü ilə hazırlanan və xalqın müzakirəsinə verildikdən sonra 1995-ci il noyabrın 12-də ümumxalq referendumu ilə qəbul edilən Azərbaycan Konstitusiyasından ətraflı bəhs edıb. Sözçü 1996-ci il fevralın 6-da Heydər Əliyevin imzaladığı sərəncama əsasən hər il 12 noyabr tarixinin Konstitusiya günü kimi qeyd edilməsinin ölkəmizin əsas qanununa hörmət və ehtiramın nümunəsi olduğunu vurğulayıb .Ə.Camalova çıxışında Azərbaycan bayrağının işğal altında olan ərazilərimizdə dalğalanacağı günün çox da uzaqda olmadığına bildirib.

Tədbir tanınmış incəsənət ustalarının və özfəaliyyət kollektivlərinin bayram konserti ilə davam edib.

Şamo Əliyev