Noyabrın 24-də uşaqların sağlamlığının möhkəmləndirilməsi, orqanizmin müqavimət qabiliyyətinin yüksəldilməsi və onların fiziki inkişafını təmin etmək üçün 23 nömrəli körpələr evi-uşaq bağçasında fiziki mədəniyyətdən "Açıq məşğələ" təşkil olundu.
Məşğələni giriş sözü ilə açan bağçanın müdiri Aybəniz Sadıxova qeyd edib ki, sevindirici haldır ki, hazırda bu iş Abşeron rayonunun uşaq bağçalarında xüsusi proqramlarla həyata keçirilir. Bağçamız burada tərbiyə alanların fiziki cəhətdən sağlam və gümrah böyüməsi uğrunda əzmlə çalışır. Bağçanın pedaqoji kollektivi fiziki tərbiyənin inkişafını həmişə ön plana çəkir, bu vacib məsələnin həllində bir sıra məqsədyönlü tədbirlər həyata keçirir. Pedaqoji kollektivin gündəlik fəaliyyətinin əsasını təşkil edən uşaqların fiziki tərbiyəsi məsələsinə yaradıcı yanaşan tərbiyəçilər idmanın müxtəlif növlərinə və milli xalq oyunlarına xüsusi diqqət yetirirlər.
Balacaların məşğələdə xüsusi fəallığı və əzimkarlığı qonaqlar tərəfindən rəğbətlə və alqışlarla qarşılandı.
"Açıq məşğələ"nin dinləyicilərindən Abşeron RİH-in əməkdaşları Elnarə Umayeva və 27 nömrəli körpələr evi-uşaq bağçasının müdiri Samirə Məmmədova çıxış edərək "açıq məşğələ"nin yüksək səviyyədə keçdiyini, fiziki mədəniyyət ilə bağlı bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd etdilər, bağçanın müdiri Aybəniz Sadıxovaya, tədbirin təşkilində əməyi olan tərbiyəci Xumar Hüseyinovaya minnətdarlıqlarını bildirdilər .
Şamo Əliyev