Məktəbin İllik Fəaliyyət Planına uyğun olaraq şagirdlərin müxtəlif fənlər üzrə bilik, bacarıq vərdişlərə yiyələnmə imkanlarının artırılması məqsədilə Xırdalan şəhər 2 nömrəli məktəbdə fənn aylıqları keçirilməkdə davam edir. Noyabr ayı məktəbdə Coğrafiya aylığı elan olunmuşdu. Aylıq çərçivəsində məktəbdə divar qəzetlərinin buraxılması, açıq dərslərin keçirilməsi, leksik oyunlar, debat və dəyirmi masaların, inşa müsabiqəsi, breyn-rinq yarışlarının keçirilməsi nəzərdə tutulmuşdu. 02.12.2017-ci il tarixində fənn aylığı çərçivəsində VI siniflərin istedadlı şagirdlərdən ibarət bilik yarışı keçirildi. Yraışmada məktəbin müəllim və şagird kollektivi, valideynlər və qonaqlar iştirak edirdilər.
“Bilik yarışı”nın keçirilməsi məqsədi ilə fənn müəllimlərindən ibarət komissiya yaradıldı. Yarışa başlamazdan öncə məktəbin direktor müavini Rasim Hüseyinov şagirdləri və qonaqları salamlayaraq, keçirilən bu tədbirlərin əsas məqsədinin VI sinif şagirdlərinin оrta məktəblərdə tədris olunan fənlər içərisində öz yeri, öz xüsusiyyətləri olan və şagirdlərin vətənpərvərlik ruhunda tərbiyə olunmalarında böyük rolu olan coğrafiya fənninə olan maraqlarının, bilik və bacarıqlarının səviyyəsini müəyyən etmək və artırmaq olduğunu bildirmişdir. Bundan sonra R.Hüseynov iştirakşıları Bilik yarışının şərtlərilə tanış edərək yarışın başlanmasına start verdi.
Məktəbin akt zalında keçirilən yarışda 11 altıncı sinifdən 11 komanda da 88 şagird iştirak edirdi. Bir-birindən maraqlı suallar, cavablar, mülahizələr və fikirlər söylənilib. Şagirdlər suallara düzgün və ətraflı cavab verməyə çalışdılar. 3 mərhələ üzrə keçirilən yarışda şagirdlərin sərbəst fikir yürütmələri, çətin suallara verdikləri dolğun cavablar hər kəsi təəccübləndirdi.
VI siniflər arasında keçirilən bu bilik yarışının final mərhələsində “Azərbaycan”, “Abşeron” və “Coğrafiyaçılar” adlı 3 güclü komanda iştirak edirdi. Hər komandanın kapitanı ayrı-ayrılqda komandalarını təqdim etdilər və komandalar biri-birlərini salamladılar. Final mərhələsində həmçinin komandaların şagirdləri Abşeron, Azərbaycan və tanınmış coğrafiyaçılar haqqında maraqlı məlumatlar verdilər və 6b sinifinin “Azərbaycan” komandası ən yaxşı təqdimat nominasiyasında qalib oldu.
İntellektual bilik yarışında məktəbin 6e sinifinin “Abşeron” komandası birinci, 6k sinifinin “Coğrafiyaçılar” komandası ikinci, 6b sinifinin “Azərbaycan” komandası üçüncü yerə layiq görüldü.
Qalib komandalar kubok və Fəxri Fərmanla təltif edildilər.
Şamo Əliyev