Abşeronda təhsil işçiləri Heydər Əliyevin anım gününü qeyd ediblər
Tarix:11-12-2017, 23:35
Abşeron rayon İcra Hakimiyyəti və rayon Təhsil Şöbəsinin birgə təşkilatçılığ ilə Xırdalan şəhərindəki Heydər Əliyev Mərkəzində ulu öndər Heydər Əliyevin anım günü ilə bağlı tədbir keçirilib.
Öncə Abşeron RİH-in müavini Fuad Cəbrayılov, Abşeron RTŞ-nın müdiri Nazilə Məmmədova, YAP Abşeron rayon Təşkilatının sədri Bilman Vəliyev və təhsil işçiləri Heydər Əliyev Mərkəzində Ümummilli liderimiz Heydər Əliyevin abidəsi önünə çiçək dəstləri düzərək xatirəsinin bir dəqiqəlik sükutla yad ediblər.
Sonra Heydər Əliyev mərkəzində Heydər Əlievin həyat və yaradıcılığını əks etdirən foto stendlər ilə tanış olan təhsil işçiləri, mərkəzdə ümummilli liderimizin həyat və yaradıcılığını əks etdirən video çarxı izləyib.
Tədbirdə çıxış edənlər bildiriblər ki, böyük ideyalar dahi şəxslərə məxsus olur. Dahi bir şəxsiyyət kimi böyük ideyaların müəllifi Heydər Əliyev Azərbaycanın ən yeni tarixində silinməz izlər qoymuşdur. Ümummilli lider Heydər Əliyevin xalqın istəyi ilə hakimiyyətə qayıtmasından sonra Azərbaycanın müstəqil dövlətçilik tarixində yeni bir dövr başlandı. Bu dövr inkişaf, çiçəklənmə və tərəqqi dövrüdür.
Qeyd olunub ki, ulu öndərin əsasını qoyduğu siyasi xətt bu gün Prezident İlham Əliyev tərəfindən uğurla davam etdirilir. Azərbaycan daha da inkişaf edən və dünya dövlətləri arasında layiqli yerini tutan bir ölkəyə çevrilmişdir.