Yanvarın 18-də Xırdalan şəhər 9 nömrəli tam orta məktəbdə "20 Yanvar” faciəsinin 28-ci il dönümünə həsr edilmiş "Şəhidlər ölməz” adlı anım tədbiri keçirilib.
Şəhidlərin xatirəsi bir dəqiqəlik sükutla yad edildikdən sonra məktəbin direktoru Həcər İbrahimova çıxış edib. Şagirdlərə "20 Yanvar” faciəsindən danışıb.
Anım tədbirində rayon təhsil şöbəsinin əməkdaşları, məktəbin müəllim və şagird kollektivi iştirak edib.
Şagirdlərin ifasında Ülvi Bünyadzadəyə həsr edilmiş bədii kompozisiya, Larisa, İlham və Fərizə haqqında səhnəciklər, eyni zamanda şeir və mahnılar səsləndirilib.
Sonda "20 Yanvar” şəhidlərinə həsr edilmiş videoçarx izlənilib.
Şamo Əliyev
