Xırdalan şəhər 15 saylı körpələr evi-uşaq bağçasının orta qrupunda “Ev heyvanları” mövzusunda açıq məşğələ keçirildi.
Musiqi sədaları altında zala daxil olan uşaqlar qonaqları salamladıqdan sonra məşğələ başladı. Bağçanın uşaqları ilə "açıq məşğələ"ni Samirə Rəsluva aparırdı.
İlk önçə tərbiyəçi körpə fidanlara heyvanlar barədə məlumat verdi. Bildirildi ki, heyvanları 2- vəhşi və ev heyvanlarına bölünür.Tərbiyəçi açıq məşğələdə Ev heyvanlarını(qoyun və balası) tədris etdi.
Tərbiyəçi məşğələdə yeni təlim üsullarından və əyani vasitələrdən də istifadə etdi.
Məşğələdə uşaqlar tanış olduqları ev heyvanı(qoyun və balası) üzrə tapşırıqlar icra edərəkbiliklərini nümayiş etdirdilər. Tədqiqatı aparmaq üçün qruplarla iş aparıldı. Körpə fidanlar 4 qrupa bölünərək, qrup daxilində lider seçdilər. Qruplara tapşırıq və iş vərəqləri paylanıldı.
Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olundu.
Sonda çıxış edən bağçanın müdiri Mətanət Novruzova "açıq məşğələ"nin yüksək səviyyədə keçdiyini, bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd etdi. M.Novruzova çıxışında həmçinin məşğələdə yeni didaktik materialın təqdim edilməsini, uşaqların qarşısında tapşırıqların qoyulmasını, uşaqların praktik işini, uşaqlarla fərdi işinin xarakterini, məşğələnin yekun hissəsinin təlim məqsədlərini şərtləndidiyi üçün məşğələnin təşkilində əməyi olanlara minnətdarlığını bildirdi.
Tural Kazımlı
