Müasir dünyada ingilis dilinin rolu istər işgüzar aləmdə, istər ünsiyyət vasitəsi kimi danılmazdır. Lakin günümüzdə ingilis dilində mükəmməl danışmaq heç kimi təəcübləndirmir. Çünki bu artıq zərurətdir.Abşeron rayonunun ümumtəhsil müəssisələrində də tədrisi nəzərdə tutulan xarici dillər ingilis, alman, fransız, rus, ərəb və digər əcnəbi dillər gənc nəslə mükəmməl səviyyədə tədris edilir.
Abşeron rayon Təhsil şöbəsinin təşkilatçılığı ilə Xırdalan şəhər Heydər Əliyev Mərkəzində keçirilən “Xaric dil aylığı”nın yekununa həsr olunmuş tədbirin iştirakçıları və qonaqlar əvvəlcə mərkəzin foyesində məktəblərinin müxtəlif dillərdə hazırladığı stend və güşələrlə tanış oldular.Sərgidə müxtəlif dövlətlərin adət ənənəsi,geyim tərzini nümayiş olundu.
Dövlət Himni səsləndirildikdən sonra Abşeron Rayon Təhsil şöbəsinin müdiri Nazilə Məmmədova Prezident İlham Əliyevin təhsilə önəm verməsindən, ölkəmizdə xarici dilin yüksək səviyyəli tədrisindən, o cümlədən bu istiqamətdə məktəbdə görülən işlərdən bəhs edib. Bildirdi ki, ölkəmizdə artıq 10 ildir ki, tədris dilindən asılı olmayaraq, birinci xarici dil olaraq ingilis dili I sinifdən başlayaraq tədris olunur və dərslərdə yeni kommunikativ metodlarların istifadəsi çox gözəl nəticələr verir. Xarici dili öyrənərkən uşaqların erkən yaşlarından bilik almaqla yanaşı dünya görüşü artır, onlar başqa millətlərin mədəniyyəti, adət və ənənələri ilə tanış olurlar.
Çıxışlarda vurğulandı ki, Azərbaycanda inkişaf və tərəqqi göz qabağındadır. Ölkəmiz xarici dövlətlərlə müxtəlif sahələrdə əməkdaşlıq edir, dünya səviyyəli yarış və müsabiqələrin ev sahibidir, ölkəmizdə tədris dili xarici dil olan məktəblər fəaliyyət göstərir, məktəblərimizin məzunları xarici ölkələrdə təhsil alırlar. Bütün bunlar ölkəmizdə xarici dil və ya dillərin öyrənilməsinin əhəmiyyətini göstərir. Bunun nəticəsi olaraq “Ümumi təhsil pilləsinin dövlət standartları və proqramları (kurrikulumları)” sənədinə əsasən, ümumtəhsil məktəblərinin ümumi orta və tam orta təhsil səviyyələrində tədris olunan fənlərin siyahısına ikinci xarici dil daxil edilib. İkinci xarici dilin tədrisi 2012-2013-cü dərs ilindən etibarən V siniflərdən başlanıb.Rayon məktəblərində fəaliyyət göstərən müəllimlər də məktəblilərə xarici dilləri yeni metodlaral öyrədirlər.
Daha sonra məktəb şagirdlərinin ifasında ingilis, fransız , rus,alman və ərəb dillərində şeirlər, mahnılar səsləndirilib, tamaşalar nümayiş etdirilib.İnterşumlar.
Sonda ingilis dilinin tədrisində fərqlənən müəllimlərə,eləcə də fəal məktəblilərə rayon təhsil şöbəsinin fəxri fərmanları təqdim edilib.
Səkinə Abbasova-Abşeron rayon təhsil şöbəsinin xarici dillər üzrə metodisti-Müasir dövrdə xarici dillərin rolu istər işgüzar aləmdə,istər ünsiyyət vasitəsi kimi danılmazdır.Ölkəmizdə artıq neçə illərdir ki,tədris dilindən asılı olmayaraq 1-ci xarici dil ingilis dili 1-ci siniflərdən tədris olunmağa başlıyır.Bununla yanaşı məktəblərimizdə günün tələbinə müvafiq olaraq ikinci xarici dil də tədris olunur.2017-2018-ci tədris ili “Təhsildə keyfiyyət ili “ elan olunması ilə bağlı Abşeron Təhsil şöbəsi tədris ilini fənn aylıqlarına böldü.Yanvar ayı xarici dil fənn aylığına təsadüf etdi.Bu gün bu fənn aylığının yekun mərhələsidir,Abşeron məktəbləri fəal iştirak etdilər fənn aylığı çərçivəsində.Müxtəlif əl işləri,bilik yarışlar,divar qəzetləri,tədbirlər,açıq dərslər,stendlər və sair nümayiş etdirdilər.Dünyaya inteqrasiya etdiyimiz bir dövrdə xarici dillərin öyrənilməsi,mənimsənilməsi,məktəblərdə tədris edilməsi zəruridir.Bu gün azərbaycan gənci layiqincə öz mədəniyyətimizi,tariximizi xarici dövlətlərdə təmsil etməyi bacarmalıdır və bunun üçün onlar xarici dillərə yiyələnməlidirlər.Abşeron məktəbklərində də xarici dillər müasir təlim metodlarına uyğun olaraq yüksək səviyyədə tədris olunur və Abşeron Təhsil şöbəsi olaraq biz daim bunu nəzərimizdə diqqətimizdə saxlayırıq.
Esmira Əliyeva-ingilis dili müəlliməsi- İngilis dilinin məktəblərdə keçirilməsinin əhəmiyyəti odur ki,uşaqlar bu xarici dili öyrənməklə həmin ölkələr haqqında hər bir şey öyrənmiş olurlar,onların adətləri,ənənələri,tarixi hər bir şeyi yəni məlumatlanmış olurlar onlar bu haqda,ölkələrin tarixi haqqında. Xarici dilləri tədris etmə hal hazırkı dövrdə çox rahatdır,ona görə ki,yeni metodlardan istifadə olunur.Elektron vasitələrdən şagirdlər hər hansı bir ölkə haqqında məlumat alarkən biz onları hazır videolar şəkilində təqdim eliyirik,uşaqlar biri var oxuyub görsünlər,biri də var ki,onlar artıq visula da olsa həmin ölkələrə səyahət etmiş olurlar.Yeni elektron vasitələrlə ,yəni tədrisdə baş verən bu yeniliklər şagirdlərin inkişafında çox mühüm rol oynayır.
Sevinc Zabitli-məktəbli-Biz öz məktəbimizdə rus dili,ingilis dili keçirik.Rus dilini keçməklə biz Rusiyanın mədəniyyətini ,adət ənənələrini öyrənirik,ingilis dilində də həmçinin.Biz rus dilini və ingilis dilini ona görə öyrənirik ki,bizim ölkəmizə turistlər və yaxud başqa bir ölkədən kimsə gəlsə onların qarşısnda öz adət ənənələrimizi danışaq.
