Fevralın 21-də Xırdalan şəhər 9 nömrəli tam orta məktəbin müəllimi İradə Talıbnın təşkilatçılığı ilə Heydər Əliyev Mərkəzində 21 fevral Beynəlxalq Ana dili Günü münasibətilə “Mənim ana dilim” adlı tədbir keçirilib. Tədbirdə təhsil şöbəsinin əməkdaşları, rayon ictimaiyyətinin nümayəndələri, təhsil işçiləri və şagirdlər iştirak ediblər.
Tədbir Dövlət himnin səslənməsi ilə açıq elan olunub. Çıxışçılar Beynəlxalq Ana dili Gününün əhəmiyyətindən, xalqımızın ümummilli lideri Heydər Əliyevin dilimizə, onun inkişafına göstərdiyi qayğıdan, Azərbaycan dilinin zənginliyindən, bu gün dünyanın ən inkişaf etmiş dillərindən biri olmasından, dilimizin saflığını qoruyub saxlamağın vacibliyindən söz açıblar.
Daha sonra tədbir bədii hissə ilə davam edib. Şagirdlər ana dilimizə həsr edilmiş şeirlər söyləyib, bədii kompozisiyalar nümayiş ediblər.
