Xırdalan şəhər 17 saylı uşaq bağçasında Xocalı soyqırımının 26-cı ildönümü münasibətilə tədbir keçirildi

Xocalı soyqırımının 26-cı il dönümü Xırdalan şəhər 17 saylı körpələr evi-uşaq bağçasının pedeqoji kollektivi tərəfindən qeyd olunub.

Tədbir iştirakçıları əvvəlcə torpaqlarımızın və ərazi bütövlüyümüzün qorunması yolunda canlarından keçmiş şəhidlərimizin, Xocalı faciəsi qurbanlarının ruhunu bir dəqiqəlik sükutla yad etdilər.

Daha sonra bağçanın məktəbəhazırlıq qrupunun usaqları Xocalclı həqiqətlərini özündə əks etdirən səhnəciklər nümayiş etdiriblər

Anım tədbirində bağçanın müdiri Könül İbrahimova çıxış edərək Xocalı hadisələri haqqında etraflı məlumat verdi. Bildirdi ki ermənilərin zaman-zaman Azərbaycan xalqının başına min bir müsibətlər acıb. 26 il əvvəl ermənilərin Xocalıda törətdikləri vəhşiliklər bütün dunyaya bəllidir. XX əsrin sonunda baş vermiş Xocalı faciəsi təkcə Azərbaycan xalqına deyil, insanlığa, bəşəriyyətə qarşı yönəlmiş ən ağır cinayətlərdən biridir.

Tədbirdə Abşeron rayon İcra Hakimiyyətinin nümayəndəsi Samirə İsmayılzadə vurğuladı ki, bu faciə haqqında əsl həqiqətlərin bütün dünyaya çatdırılması, dünya dövlətləri və beynəlxalq təşkilatlar tərəfindən faciənin soyqırımı kimi tanınması istiqamətində ölkə Prezidenti cənab İlham Əliyev uğurlu siyasət aparır. Bu siyasətin nəticəsində beynəlxalq miqyasda Xocalı soyqırımı haqqında obyektiv fikir formalaşır.

Sonda bağçanın uşaqları Xocalı faciəsi ilə əlaqədar şeirlər söylədilər, müxtəlif ədəbi-bədii kompozisiyalar nümayiş etdirdilər.