Ümummilli liderimiz Heydər Əliyevin anadan olmasının 95-ci ildönümü münasibətilə mayın 4-də Abşeronun Uşaq Gənclər İnkişaf Mərkəzində “Heydər Əliyev uşaqların gözü ilə” adlı rəsm sərgisi keçirilib.
Təhsil işçiləri, ictimaiyyət nümayəndələri və incəsənət həvəskarlarının qatıldıqları tədbirdə Abşeron RTŞ-nın müdiri Nazilə Məmmədova, rayon Gənclər və İdman İdarəsinin rəisi Əsgər Əmirəliyev və Abşeronun Uşaq Gənclər İnkişaf Mərkəzinin direktoru Aytən Rüstəmova çıxış edərək, sərginin ulu öndərin doğum günü ilə əlaqədar Abşeronda həyata keçirilən silsilə tədbirlərdən biri olduğunu nəzərə çatdırıb, ümummilli liderimizin Azərbaycan mədəniyyəti və incəsənətinin inkişafındakı xidmətlərindən bəhs ediblər.
Qeyd olunub ki, ulu öndərin xatirə günləri çərçivəsində təşkil olunan bu sərgi uşaq və gənclərin yaradıcılıq qabiliyyətlərinin aşkara çıxarılması və inkişaf etdirilməsinə müsbət təsir göstərəcəkdir.
Daha sonra sərgiyə baxış olub. Sərgi-müsabiqədə Abşeron Uşaq Gənclər İnkişaf Mərkəzinin 100-dən çox balaca rəssamının ulu öndərə həsr etdikləri 300-ə yaxın rəsm əsəri nümayiş etdirilib.
Şamo Əliyev
