Abşeron rayon İcra Hakimiyyətinin fəaliyyət planına əsasən təşkil edilmiş açıq məşğələdə Təhsil İnstitunun "Məktəbəqədər təhsilin kurikulumu şöbəsinin müdiri, pedaqogika üzrə fəlsəfə doktoru, dosent,əməkdar müəllim Laləzar Cəfərova, Abşeron RİH-in əməkdaşı Samirə İsmayılzadə, rayon ərazisində yerləşən məktəbəqədər təhsil müəssisələrinin tərbiyəçiləri və bağçanın kollektivi iştirak ediblər.
Qonaqları salamlayaraq məşğələni açıq elan edən bağçanın müdiri Vüsalə Məşədiyeva bildirib ki, hər fəslin özünəməxsus gözəlliyi var. Lakin payız fəsli Abşeronda öz gözəlliyi ilə daha da seçilir.
Sonra məşğələyə baxış keçirilib.Bağçanın tərbiyəçisi Suqra Zeynallı məşğələ zamı körpə fidanlara Abşeronun loqosu və Abşeron rayonuna xas meyvələr haqqında ətraflı məlumat verib.
Balaca fidanların hazırladıqları payız fəsilinin nümayiş edildiyi əyləncəli proqramla davam etdirilən məşğələdə, uşaqlar şeirlər söyləyib, mahnılar oxuyub, maraqlı rəqslər və gimnastik nömrə nümayiş etdiriblər.
Məşğələnin müzakirəsi zamanı L.Cəfərova Abşeron rayonda məktəbə qədər təhsil müəsissələrinin inkişafyönlü fəaliyyətlərini təqdir edib.Bildirilib ki, Məktəbəqədər təhsilin inkişafı Abşeronda diqqət mərkəzindədir.
Daha sonra çıxış edən Samirə İsmayılzadə Abşeron rayon İcra Hakimiyyətinin başçısı İradə Gülməmmədovanın məktəbəqədər təhsilə göstərdiyi qayğı nəticəsində əldə edilən nailiyyətlərdən, körpə fidanların hərtərəfli inkişafı ilə əlaqədar həyata keçirilən uğurlu layihələrdən bəhs edib.
Məşğələnin sonunda çıxış edən digər qonaqlar "açıq məşğələ"nin yüksək səviyyədə keçdiyini, payız fəsili ilə bağlı bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd etdilər,bağçanın rəhbərliyinə, tədbirin təşkilində əməyi olanlara minnətdarlıqlarını bildirdilər.
Tural Kazımlı
