Xırdalan şəhər 2 № məktəbdə 9 noyabr-Bayrağı Günü münasibətilə tədbir keçirilib. Tədbir iştirakçıları ilk öncə məktəblilərin əl işlərindən ibarət sərgi ilə tanış olublar. Məktəbin akt zalında baş tutan tədbirdə Azərbaycan himni səsləndirlib və səhnəyə Azərbaycan bayrağı gətirilib.
Sonra məktəbin Dövlət Bayrağı günü münasibəti ilə hazırladığı video çarx nümayiş etdirilib.
Tədbirdə məktəbin direktoru Ədalət Camalova bayrağımızın yaranma tarixi, ulu öndər Heydər Əliyevin bayrağımız haqqındakı fikirləri, Azərbaycan bayrağının şanlı tarixi barədə məlumat verib, Dövlət Bayrağı Gününün tarixi əhəmiyyətini vurğulayıb.
Ə.Camalova çıxışında Dövlət Bayrağı Gününün bütün azərbaycanlılar tərəfindən qeyd olunmasını milli birliyin nişanəsi adlandırıb. Qeyd edilib ki, Ali Baş Komandan İlham Əliyevin rəhbərliyi altında tezliklə torpaqlarımız düşmən işğalından azad ediləcək, üçrəngli bayrağımız doğma Qarabağımızın hər bir guşəsində dalğalanacaq.
Tədbirdə şagirdlər bayraq, vətənpərvərlik mövzusunda şeir və mahnılar söyləyib, ədəbi-bədii kompozisiya təqdim ediblər.
