Aprel ayının 4 – də Azərbaycan Respublikası Təhsil Nazirliyi, İDEA, Ekologiya və Təbii Sərvətlər Nazirliyi, Azərbaycan Respublikası Dövlət Neft Şirkəti, Azərbaycan Beynəlxalq Təhsil Mərkəzi və “İNEPO – Avrasiya ” Ekologiya İctimai Birliyinin təşkilatçılığı ilə “Sərhədçi” Olimpiya İdman Kompleksində Ətraf Mühitin Mühafizəsi VIII Beynəlxalq Layihə Olimpiadasına start verildi. Dünyanın 51 ölkəsinin (Azərbaycan, Əfqanıstan, Albaniya, Belarusiya, Bosniya və Hersoqoviniya, Gürcüstan, İndoneziya, İran, Almaniya, İraq, İordaniya, Moldova, Qazaxıstan, Qırğızıstan,Laos, Makedoniya, Malaziya, Myanmar, Nigeriya, Pakistan, Ruminiya, Slovakiya, Tacikistan, Tailand, Türkiyə, Türkmənistan, Ukrayna, Yəmən, Somali, Anqola, İngiltərə, Bolqarıstan, Nepal, Flippin, CAR, Rusiya, Slovaniya, Ukrayna (Krım), Oman, ABŞ, Tatarıstan (RF), Seneqal, Malavi, Meksika, Hong – Kong, Tayvan, Mali, Braziliya, Zambiya) 500 - ə yaxın nümayəndəsi burada ekologiya, ətraf mühitlə bağlı bir – birindən maraqlı layihələrini təqdim edəcəkdir. Qeyd edək ki, bu il olimpiadaya xarici ölkələrdən təqdim olunmuş 425 layihədən 58 – i , Azərbaycandan isə 214 layihədən (180 orta məktəbdən) 62 –si növbəti mərhələyə keçib. Məlumat üçün bildirək ki, ötən il olimpiadaya 45 ölkədən 250 – dən artıq iştirakçı qatılmışdır. Həmin yarışmaya Azərbaycan məktəblərindən 200 – dən artıq layihə arasından 60, xarici ölkələrdən isə 58 layihə təqdim olunmuşdur. Abşeron rayon Saray qəsəbə 3№ li tam orta məktəbin 11a sinif şagirdi, dərs əlaçısı Üstün Saniyə Səlahəddin qızının təqdim etdiyi Neft axınları nəticəsində çirklənmiş suyun təmizlənməsi layihəsi bürünc medala layiq görülmüşdür.Bu Abşeron Təhsili üçün çox sevindirici haldır. Absheronxeber.az əməkdaşları adından Saray qəsəbə 3№ li tam orta məktəbin kollektivini və şagird Üstün Saniyəni təbrik edirik.
Redaktor: Çinarə Sadıqova
