Abşeron rayon İcra Hakimiyyətinin fəaliyyət planına əsasən Xırdalan şəhər 27 saylı körpələr evi-uşaq bağçasının böyük qrupunda ”Ətraf aləmlə tanışlıq” məşğəlsində uşaqlara “Dövlət rəmzləri ” tədris edilib.
Rayon ərazisində yerləşən bir neçə məktəbəqədər təhsil müəssisəsinin müdiriləri və tərbiyəçilərinin iştirak etdikləri məşğələdə əvvəlçə Azərbaycan Respublikasının Dövlət Himninin səsləndirilib, üçrəngli bayrağımız körpə fidanlar tərəfindən səhnəyə gətirilib.
Sonra bağçanın körpə fidanlarının ifasında vətənpərvərliyi tərrənnüm edən şeirlər, mahnılar səsləndirilib və səhnəciklər nümayiş olunub,
Bağçanın tərbiyəçisi Vüsalə Babayeva məşğələ zamı körpə fidanlara Azərbaycanın dövlət rəmzlərinin – bayrağı, gerbi və himnin yaranması tarixi haqqında ətraflı məlumat verib.
Tərbiyəçi məşğələdə yeni təlim üsullarından və əyani vasitələrdən də istifadə edib. Məşğələdə tədqiqatı aparmaq üçün qruplarla iş aparılıb. Körpə fidanlar qruplara bölünərək, qrup daxilində lider seçiblər. Qruplara tapşırıq və iş vərəqləri paylanılıb. Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Məşğələnin sonunda bağçanın müdiri Samirə Məmmədova çıxış edərək bildirib ki, məşğələnin məqsədi Azərbaycanın gələcəyi olan nur üzlü körpələrin dövlət atributlarına - bayraq, gerb və himnə sevgisini artırmaq, onlara vətənpərvərlik hissləri aşılamaqdır.
Digər çıxış edənlər "Açıq məşğələ"nin yüksək səviyyədə keçdiyini, dövlət rəmzləri ilə bağlı bağçada uşaqlarla geniş iş aparıldığını, nəticədə onlarda bu sahədə kifayət qədər aydın təsəvvürlər formalaşdığını qeyd ediblər.
