Xırdalanın 17 saylı bağçasında Payız bayramı qeyd olundu-Video
Tarix:19-11-2018, 20:11
19 noyabr 2018-ci il tarixdə Xırdalan şəhər 17 saylı körpələr evi-uşaq bağçasında Payız bayramına həsr olunmuş tədbir keçirildi.
Son dövrdə rayonda körpələr evi-uşaq bağçalarının maddi-texniki bazasının möhkəmləndirilməsi istiqamətində rayon rəhbərliyi tərəfindən görülmüş işlər barədə danışan 17 saylı körpələr-evi uşaq bağçasının müdiri Könül İbrahimova qonaqları və valideynləri salamlayaraq tədbirə uğurlar dilədi. K.İbrahimova çıxışında həmçinin Payız bayramının ənənəvi olaraq 17 saylı körpələr-evi uşaq bağçasında yüksək səviyyədə keçirildiyini diqqətə çatdıraraq, qeyd etdi ki, bolluq, gözəllik və rəngarəngliyi özündə ehtiva edən payız fəslinin balaca fidanların obrazlarında canlanması tədbirə daha gözəl rəng qatır.
Çıxışlardan sonra uşaqların ifasında rəngarəng bayram proqramı təqdim olundu. Uşaqlar azərbaycan və rus dillərində şeirlər söylədilər, mahnılar oxudular, maraqlı rəqslər və gimnastik nömrə nümayiş etdirdilər. Azərbaycan və rus dilində payız fəslinə aid səhnəciklər göstərdilər.
Uşaqların çıxışları valideynlər tərəfindən böyük rəğbətlə qarşılandı.