Xırdalanın 24 saylı bağçasında Payız bayramına həsr olunmuş tədbir
Tarix:26-11-2018, 13:35
Abşeron rayonu, Xırdalan şəhər 24 saylı körpələr evi-uşaq bağçasında Payız bayramına həsr olunmuş tədbir keçirildi.
Son dövrdə rayonda körpələr evi-uşaq bağçalarının maddi-texniki bazasının möhkəmləndirilməsi istiqamətində görülmüş işlər barədə danışan bağçanın müdiri Leyla Bayramova qonaqları və valideynləri salamlayaraq tədbirə uğurlar dilədi.
Daha sonra uşaqların ifasında rəngarəng bayram proqramı təqdim olundu. Uşaqlar azərbaycan, rus və ingilis dillərində şeirlər söylədilər, mahnılar oxudular, maraqlı rəqslər və gimnastik nömrələr nümayiş etdirdilər. Bayram şənliyində balaça fidanlar payız fəslinə aid səhnəciklər də göstərdilər.
