Xırdalan şəhər 25 saylı körpələr-evi uşaq bağçasında payız fəsilində ənənəvi olaraq “Məhsul Bayramı” münasibətilə tədbir keçirildi. Tədbirdə Abşeron Rayon İcra Hakimiyyətinin əməkdaşı Samirə İsmayılzadə, rayon ərazisində yerləşən bir neçə məktəbəqədər təhsil müəssisəsinin müdiriləri və tərbiyəçiləri iştirak etdilər.
İlk öncə bağçanın balaca fidanlarının bağçada təşkil etdikləri rəsm sərgisi açılışı və əl işlərinin nümayişi ilə tanışlıq oldu.
Daha sonra tədbiri açıq elan edən bağçanın müdiri Ofelya Mustafayeva qonaqları və valideynləri salamlayaraq tədbirə uğurlar dilədi.
Sonra çıxış edən S.İsmayılzadə balaca fidanlarının bağçada təşkil etdikləri rəsm sərgisində, əl işlərində payız fəsilinin əlvanlığını yüksək səviyyədə əks edildiyini diqqətə çatdırdı. İcra rəsmisi balaca yaşdan balaca fidanların bu cür maariflənməsi, dünyagörüşlərinin zəngin olmasının əhəmiyyətini vurğulayaraq, onlara uğurlar dilədi.
Sonra tədbir balaca fidanların hazırladıqları payız fəsilinin nümayiş edildiyi əyləncəli proqramla davam etdirildi.
