Azərbaycan xalqının ümummilli lideri görkəmli dövlət və ictimai xadim Heydər Əliyevin həyat və fəaliyyətini, dövlətçilik fəlsəfəsi və elmi cəhətdən öyrənilməsini təşkil etməklə yanaşı, geniş təbliğ olunması istiqamətində də bir sıra silsilə tədbirlər həyata keçirən Abşeron Heydər Əliyev Mərkəzinin 1-12 dekabr tarixləri arasında elan etdiyi “Açıq qapı” günləri ilə əlaqədar ziyarət edənlərin siyahısında Xırdalan şəhər 22 saylı körpələr evi-uşaq bağçasının körpə fidanlarıda yer alıb.
Ümummilli lider Heydər Əliyevin anım günü ərəfəsində Heydər Əliyev Mərkəzini ziyarət edən Xırdalan şəhər 22 saylı körpələr uşaq bağçasının körpə fidanları əvvəlcə Mərkəzdə Ümummilli Lİderimizin büstünü ziyarət edib, önünə gül dəstələri düzərək xatirəsini ehtiramla yad ediblər.
Daha sonar Mərkəzin əməkdaşları qonaqları salamlayıb, onları burada fəaliyyət göstərən muzey, sərgi zalı, konfrans və təqdimat zalları, müzakirə və diskussiya zalları, elektron kitabxana , linqafon, internet və rəssamlıq otaqları, fotostudiya və rəqs zalı ilə tanış edib və Heydər Əliyev irsinin təbliği istiqamətində Mərkəzin gördüyü işlər barəsində məlumatlandırıblar.
Abşeronun simvolu olan Heydər Əliyev Mərkəzinə ziyarət tədbir iştirakçılarının hər birində xoş təəssürat yaradıb.
Sonda bağçanın tərbiyəci müəllimləri və balacalar Ulu öndər Heydər Əliyevin büstü önündə xatirə fotoşəkili çəkdiriblər.
