1915-ci il hadisələrinin iç üzünün əsl mahiyyətini yayındırmaq tarix qarşısında cinayətdir. Bu çətir altında saxta “erməni soyqırımı”nı tanıyan varsa, bunu ağlından keçirən varsa belələrinin yeri Türkiyə Böyük Millət Məclisi ola bilməz.
Bu fikirləri Milliyyətçi Hərəkat Partiyasının (MHP) sədri Dövlət Bahçeli partiyanın Türkiyə Böyük Millət Məclisindəki qrup toplantısında ifadə edib.
“Soyqırımı” anlayışının İkinci Dünya müharibəsindən sonra 1948-ci ildə “Soyqırımı” Anlaşması ilə tanındığını diqqətə çatdıran MHP sədri deyib ki, bu anlayış 1915-ci il hadisələrinə aid ola bilməz. Türkiyənin məqsədli şəkildə, əsasız olaraq bu məsələdə günahkar tutulması haqsızlıqdır, insafsızlıqdır, qarışıqlıq yaratmaqdır.
