Azərbaycan prezidenti İlham Əliyev Azərbaycan qadınlarının “Tərəqqi” medalı ilə təltif edilməsi haqqında sərəncam imzalayıb.
Respublikasının ictimai həyatında səmərəli fəaliyyətlərinə görə, 8 mart – Beynəlxalq Qadınlar günü münasibətilə Azərbaycan Respublikasının Prezidenti canab İlham Əliyevin sərəncamı ilə Bakı Dövlət İqtisadiyyat və Humanitar Kollecinin direktoru Əliyeva Ruxsarə Məcid qızı “Tərəqqi” medalı ilə təltif edilib. Martın 6-da Abşeron rayon İcra Hakimiyyətinin başçısı Xırdalan şəhərindəki Heydər Əliyev Mərkəzində keçirilən 8 Mart - Beynəlxalq Qadınlar Gününə həsr olunmuş tədbirdə “Tərəqqi”medalını Bakı Dövlət İqtisadiyyat və Humanitar Kollecinin direktoru Əliyeva Ruxsarə Məcid qızına təqdim edib.
İcra başçısı Ruxsarə Əliyevanı təbrik edib və bundan sorakı fəaliyyətində ona uğurlar arzulayıb.
R.Əliyeva da öz növbəsində Azərbaycan Respublikası Prezidenti Cənab İlham Əliyevə və İcra başçısına göstərdikləri daimi diqqət və dəstəyə görə təşəkkürünü bildirib, Azərbaycan xalqına, dövlətinə və dövlətçiliyinə sədaqətlə xidmət edəcəyini qeyd edib.
TƏRCÜMEYİ-HAL
Əliyeva Ruxsarə Məcid qızı 1966-cı ildə Naxçıvan Muxtar Respublikasının Ordubad rayonunda ziyalı ailəsində anadan olub.
1983-cü ildə Ordubad rayonunda Məmməd Sidqi adına 3 nömrəli məktəbi bitirdikdən sonra, M. F. Axundov adına Azərbaycan Pedaqoji Rus dili və Ədəbiyyatı İnstitutunun daxil olub və 1988-ci ildə fərqlənmə diplomu ilə bitirib. Həmin ildən Ordubad rayonunda 1 nömrəli orta məktəbdə rus dili və ədəbiyyat müəllimi işləyib.
1996-1997-ci illərdə Nəsimi rayon Təhsil Şöbəsində metodist vəzifəsində çalışıb.
1997-ci ildən Təhsil Nazirliyində əmək fəaliyyətini davam etdirən R.Əliyeva 2013-cü ilə kimi Azərbaycan Respublikası Təhsil Nazirliyinin ali və orta ixtisas təhsili şöbəsinin baş məsləhətçisi vəzifəsində işləyib.
2013-cü ildən Bakı Dövlət İqtisadiyyat və Humanitar Kollecinin direktoru vəzifəsində işləyir.
İşlədiyi müddətdə dəfələrlə Abşeron rayon İcra Hakimiyyəti və Təhsil Nazirliyi tərəfindən fəxri fərman və diplomlarla , Xarici ölkələrdə keçirilən Beynəlxalq və Respublikamızda keçirilən bir çox kursların iştirakçısı olaraq I dərəcəli sertifikatlarla təltif olunub.
Ruxsarə xanım Pedaqogika üzrə fəlsəfə doktorudur, müxtəlif qəzet, jurnal və toplularda dərc olunmuş 500-dən çox elmi məqalənin müəllifidir.
Ailəlidir, 3 övladı var.
1999-cu ildə Yeni Azərbaycan Partiyasının üzvüdür.
Şamo Əliyev