Hazırda Abşeron rayonunda koronavirus (COVID-19) infeksiyası ilə bağlı epidemioloji durum ciddi nəzarət altında saxlanılmaqla yanaşı, önləyici, profilaktik tədbirlər də təxirə salınmadan həyata keçirilir. Rayon icra hakimiyyətinin başçısı yanında yaradılan operativ qərargahın tərtib etdiyi qrafik əsasında Gigiyena və Epidemiologiya Mərkəzinin, Dezinfeksiya şöbəsinin və Mənzil-Kommunal İstismar sahələrinin əməkdaşları tərəfindən Xırdalan şəhəri də daxil olmaqla, rayonun Fatmayi və Görədil kəndində geniş dezinfeksiya tədbirləri görülüb.
Xüsusi texnikalardan istifadə olunaraq su şırnaqları ilə küçə və məhəllədaxili yollar yuyulub, sözügedən ərazilərdəki dayanacaqlar, ödəniş terminalları və bankomatlar, o cümlədən fərdi yaşayış evlərinin ətrafları dezinfeksiya olunub.