Abşeron rayonunda "Konstitusiya və Suverenlik ili" çərçivəsində “1 avqust - Azərbaycan əlifbası və Azərbaycan dili Günü”nə həsr olunmuş maarifləndirmə tədbiri keçirilib. Rayon Mədəniyyət Mərkəzində keçirilən görüşdə Abşeron Rayon İcra Hakimiyyətinin başçısının müavini Gülnar Rəhimova, rayon ərazisində fəaliyyət göstərən mədəniyyət müəssisələri - muzey, kitabxana və mədəniyyət evlərinin bir qrup rəhbər işçi heyəti, o cümlədən rayonun bir sıra orta ümumtəhsil məktəblərinin Azərbaycan dili və ədəbiyyat müəllimləri iştirak edib.
Ölkəmizdə ana dilinin, o cümlədən Azərbaycançılıq idealogiyasının geniş təbliğ olunmasının Ümummilli Lider Heydər Əliyevin adı ilə bağlı olduğunu bildirən G.Rəhimova çıxışında bildirib ki, Ulu Öndərin ikinci dəfə hakimiyyətə qayıdıqdan sonra bu sahəyə xüsusi diqqət ayırmışdır. Qeyd edilib ki, Ümummilli Liderin rəhbərliyi ilə 1995-ci ildə qəbul olunmuş Konstitusiyanın 21-ci maddəsində Azərbaycan dilinin Azərbaycan Respublikasının dövlət dili kimi qeyd olunması, Azərbaycan Respublikası Prezidentinin “Dövlət dilinin tətbiqi işinin təkmilləşdirilməsi haqqında” 2001-ci il 18 iyun tarixli və “Azərbaycan əlifbası və Azərbaycan dili gününün təsis edilməsi haqqında” 2001-ci il 9 avqust tarixli fərmanları, 2002-ci ildə qəbul edilmiş “Azərbaycan Respublikasının dövlət dili haqqında” Azərbaycan Respublikasının Qanunu dilimizin hüquqi statusunu, onun işlənməsi, qorunması və inkişafı üçün zəruri olan tədbirləri müəyyənləşdirmişdir.
G.Rəhimova qeyd edib ki, Ümummilli Liderin siyasi xəttinin Prezident İlham Əliyev tərəfindən uğurla davam etdirilib, onun tərəfindən “Azərbaycan dilində latın qrafikası ilə kütləvi nəşrlərin həyata keçirilməsi haqqında” 12 yanvar 2004-cü il tarixliI, “Azərbaycan Milli Ensiklopediyasının nəşri haqqında 14 yanvar 2004-cü il tarixli, “Dünya ədəbiyyatının görkəmli nümayəndələrinin Azərbaycan dilində nəşri nəzərdə tutulan əsərlərinin siyahısının təsdiq edilməsi haqqında” 30 dekabr 2007-ci il tarixli, “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı” na dair 9 aprel 2013-cü il tarixli, “Azərbaycan dilinin elektron məkanda daha geniş istifadəsinin təmin edilməsi ilə bağlı bir sıra tədbirlər haqqında” 2018-ci il 17 iyul tarixli sərəncamları, eləcə də 2018-ci il noyabrın 1-də imzaladığı “Azərbaycan dilinin saflığının qorunması və dövlət dilindən istifadənin daha da təkmilləşdirilməsi ilə bağlı tədbirlər haqqında” fərmanları dilimizin inkişafı və tətbiqi dairəsinin daha da genişləndirilməsi baxımından xüsusi əhəmiyyət kəsb ediib.
Daha sonra, “Abşeron” qəzetinin redaktoru Şəhla Ağbulud, AMEA-nın Dilçilik İnstitutununTürk Dilləri Şöbəsinin müdiri, filologiya elmləri doktoru, professor İsmayıl Kazımov, şair, publicist Ağacəfər Həsənli, şair, publisist, tərcüməçi Hafiz Rüstəm, şairə Elmira Dərələyəzli, Abşeron-Xızı Regional Mədəniyyət İdarəsinin baş məsləhətçisi, Abşeron rayonu üzrə nümayəndəsi, aprel şəhidi Əbdülməcid Axundovun anası Ceyran Həsənova və Abşeron-Xızı Regional Təhsil İdarəsinin Azərbaycan dili və ədəbiyyatı müəllimləri çıxış edərək qloballaşan dünyada dilimizin qorunmasının vacibliyini və bu istiqamətdə atılan addımların əhəmiyyətindən söz açıblar.
