Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi ilə bağlı təsdiq edilmiş Tədbirlər Planının 4.8-ci bəndinin icrası çərçivəsində Abşeron Rayon İcra Hakimiyyəti tərəfindən növbəti ekoloji təşəbbüs həyata keçirilib.
Belə ki, kağız tullantılarının təkrar emalının təşviqi və ətraf mühitin mühafizəsinə töhfə vermək məqsədilə ümumilikdə 792 kiloqram kağız tullantısı “Yaşıl ASAN” proqramı çərçivəsində 7 saylı Bakı “ASAN xidmət” mərkəzində fəaliyyət göstərən “Yaşıl ASAN” komandasına təhvil verilib.
Həyata keçirilən bu təşəbbüs ekoloji məsuliyyətin artırılmasına, tullantıların düzgün idarə olunmasına və davamlı inkişaf prinsiplərinin təşviqinə xidmət edir. Qeyd olunub ki, bu kimi tədbirlər gələcəkdə də davam etdiriləcək və “Yaşıl dünya naminə həmrəylik ili” çərçivəsində ətraf mühitin qorunmasına yönəlmiş layihələrə xüsusi önəm veriləcək.
