27 saylı körpələr evi–uşaq bağçasında Novruz tədbiri (Video+Foto)
Tarix:16-03-2018, 02:25
Bu günlər respublikamızın hər yerində olduğu kimi, Abşeron rayonunun bütün idarə və müəssisələrində də Novruz bayramı təntənə ilə qeyd olunur.Rayonun idarə və müəssisələrində, təhsil ocaqlarında novruz bayramına həsr olunmuş silsilə tədbirlər bu qədim və milli bayrama sevginin bu gün də azalmadığının göstəricisidir. Belə tədbirlərdən biri də Xırdalan şəhər 27 saylı körpələr evi- uşaq bağçasında keçirilib. Tədbiri giriş sözü ilə bağçanın müdiri Samirə Məmmədova açaraq, uşaqları, onların valideynlərini, bağçanın kollektivini və tədbirə dəvət almış qonaqları bayram münasibətilə təbrik edib, onlara əmin-amanlıq, ruzi-bərəkət və firəvan həyat arzulayıb.
Tədbirdə Abşeron Rayon İcra Hakimiyyətinin əməkdaşı Elnarə Umayeva çıxış edərək tədbir iştirakçılarının bayram münasibəti ilə təbrik edib.
Bayram şənliyində Kosa və keçəlin gəlişi,folklor qrupunun Novruz adət-ənənələrindən ibarət çıxışı və balaca fidanların ifasında təqdim edilən musiqi,səhnə,rəqs nömrələri tədbir iştirakçılarında xoş ovqat yaradıb.