Hər daim yenilənən dünyanın keçmişdən gələcəyə körpüsünü gənclər təşkil edir. Bu mənada Azərbaycanda gənclər inkişafın bütün sahələrində aktiv şəkildə iştirak edirlər. Gənclərin Azərbaycan siyasətinin mərkəzində olmağı yeni bir hal deyildir. Əsası Ümumilli Lider Heydər Əliyev tərəfindən qoyulan gənclər siyasətinin ən önəmli məqsədi yeni nəslin mənəvi cəhətdən sağlam yetişməsini, istedadlı gənclərin üzə çıxarılmasını və dövlətimizin həm bu gününə, həm də gələcəyinə töhfə verməsini təmin etməkdir. Bu gün də Azərbaycan Respublikasının Prezidenti Cənab İlham Əliyev məqsədyönlü siyasəti nəticəsində bu ənənə uğurla davam etdirilir.
Aparılan bütün işlərlə bərabər bu siyasət eyni zamanda rayonlarda da paralel şəkildə davam etdirilməsi gənclərin dövlətimizin ictimai-siyasi həyatındakı rolunun artırılması baxımından çox önəmlidir. Belə ki, Abşeron rayonu bu strategiyanı ən uğurlu şəkildə həyata keçirən başlıca rayonlardan biridir. Abşeron rayon İcra Hakimiyətinin başçısı İradə Gülməmmədova gənclərlə olan yolda onların ən böyük dəstəkçisidir. İcra başçısı rayonda fəaliyyət göstərən bütün gənclik təşkilatlarına həmişə yüksək diqqət göstərmişdir. Yeni trendlərlə bərabər gənclərə xitab etmək hal-hazırki dövrdə ən qəriz işlərdən biridir. Bununla belə, Abşeron rayon Yeni Azərbaycan Partiyası Gənclər Birliyi gənclərin nəbzini tutmaq üçün daim daha yenilikçi, daha müsair plan xətti qurur. Həmçinin, Abşeron rayon İcra Hakimiyyətinin nəznində “Abşeron Könüllüləri” öz faəliyyətini uğurla davam etdirir. Sevindirici haldır ki, gənclər daim hər iki quruma kütləvi şəkildə müraciətlər edirlər və beləliklə, aktiv gənclərin sayı gündən-günə dəfələrlə artır. Marağın bu qədər sürətlə artmasının ən önəmli səbəbi layihə çeşidliliyin olmasıdır. Texnologiyadan səhiyyəyə qədər, təhsildən mədəniyyətə qədər, ekologiyadan idmana qədər hər növdə tədbir və konfranslar həyata keçirilir. Bu da müxtəlif düşüncəli gəncləri eyni dam altına – Abşeron rayonuna cəlb etməkdə ən önəmli ünsürdü.
Gənclər xalqın daha enerjili, daha hərəkətli təbəqəsidir. Abşeron rayonu gənclərin bu enerjisini düzgün istiqamətdə yönləndirmək üçün bütün şərait yaradılmışdır. Fəaliyyət göstərən Heydər Əliyev Mərkəzi, Abşeron Olimpiya İdman Kompleksi, istirahət parkları və əyləncə mərkəzləri gənclərin sevimli məkanlarına çevrilmişdir.
YAP Abşeron rayon təşkilatı Gənclər Birliyinin sədri Elnur Mirzəyev