Müdafiə Nazirliyinin Abşeron rayonu ərazisində yerləşən “N” saylı hərbi hissəsində keçirilən "Açıq qapı" günündə YAP Abşeron rayon təşkilatı Gənclər Birliyinin nümayəndələri hərbi hissəyə Azərbaycan və dünya ədəbiyyatına, mədəniyyətinə, tarixinə aid 500 kitab hədiyyə ediblər. Hər bir kitabın içərisində isə Abşeronlu məktəblilərin əsgərlərə yazdıqları məktublar yer alıb.
Əsgərlərlə görüşdə çıxış edən icra rəsmisi Şamo Əliyev, YAP Abşeron rayon təşkilatı Gənclər Birliyinin sədri Elnur Mirzəyev Abşeron RİH başçısı İradə Gülməmmədovanın təşəbbüsü ilə reallaşan aksiyanın mütəmadi olaraq davam edəcəyini və toplanmış kitabların müxtəlif hərbi hissələrə göndəriləcəyini diqqətə catdırıblar.
Hərbi hissə komandanlığı, polkovnik-leytenant Əhməd Abdullayev çıxışında Abşeron rayon İcra Hakimiyyəti rəhbərliyinə , hərbi hissə ilə Abşeron gəncləri arasında mövcud olan əlaqələrin daha da möhkəmləndirilməsi və “Əsgərə kitab” aksiyasına görə minnətdarlığını bildirib.
