Abşeron rayonunda Vətən müharibəsi şəhidi Paşayev Daşdəmir Əlizaman oğlunun anası Məleykə Paşayevanın 60 illik yubleyi qeyd olunub
Abşeron Rayon İcra Hakimiyyəti başçısının müavini Gülnar Rəhimova, Yeni Azərbaycan Partiyası Abşeron rayon təşkilatının sədri Abbas Əliyev, Vətən müharibəsi iştirakçıları və şəhid ailələri ilə işin təşkili şöbəsinin müdiri Kərim Kərimov Vətən müharibəsi şəhidi Paşayev Daşdəmir Əlizaman oğlunun anası Məleykə Paşayevanı 60 illik yubleyi münasibətilə təbrik ediblər.
Görüşdə Paşayev Daşdəmir Əlizaman oğlunun döyüş yolu, şəhidlik zirvəsinə ucalması və Vətən müharibəsində göstərdiyi qəhrəmanlıqlarından bəhs edilib. Söhbət zamanı şəhidlərimizin Vətən qarşısında böyük və misilsiz xidmətlərinin olduğunu, torpaqlarımızın azadlığı uğrunda şəhid olmuş hər bir övladımızın xatirəsinin dövlətimiz və xalqımız tərəfindən hər zaman uca tutulduğu vurğulanıb.
Şəhid ailə üzvləri onlara göstərilən diqqət və qayğıya görə Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Qeyd edək ki, Azərbaycan Respublikasının Prezidenti cənab İlham Əliyevin müvafiq Sərəncamına əsasən Paşayev Daşdəmir Əlizaman oğlu ölümündən sonra “Vətən uğrunda” medalı, “Füzulinin azad olunmasına görə” medalı ilə təltif edilib.
