Abşeron rayonunda dövlət qulluğunda çalışan rəhbər vəzifəli şəxslər üçün idarəetmə sahəsində, o cümlədən insan resurslarının idarə edilməsi ilə bağlı təlim keçirilib.
Təlimdə Abşeron rayonunda fəaliyyət göstərən dövlət qurumlarında çalışan rəhbər vəzifəli şəxslər, o cümlədən Abşeron RİH-in əməkdaşları iştirak ediblər.
Təlim zamanı Abşeron rayon İcra Hakimiyyəti başçısı aparatının Sənədlərlə və vətəndaşların müraciəti ilə iş şöbələrinin müdiri Sabir Məlikov tərəfindən iştirakçılara idarəetmə sahəsi, o cümlədən insan resurslarının idarə edilməsi ilə bağlı müvafiq məlumatlar verilib, “Azərbaycan Respublikasında dövlət qulluğunun inkişafına dair 2019-2025-ci illər üçün Strategiya”dan irəli gələn vəzifələrdən bəhs olunub.
Təlimin sonunda iştirakçıları maraqlandıran suallar cavablandırılıb.
Həmçinin qeyd edək ki, Abşeron rayonunda Dövlət İmtahan Mərkəzi tərəfindən 4 – 7 və 16 noyabr 2024-cü il tarixlərində “Dövlət qulluqçusunun xidməti fəaliyyətinin qiymətləndirilməsi qaydası”, “Dövlət qulluğu vəzifələrinin tutulması məqsədilə müsahibənin keçirilmə qaydaları”, Təşkilati mədəniyyət və vətəndaşlarla işin təşkili” və “İş yerində rifahın təmin olunması: tükənmə və streslə mübarizə” mövzularında təlimlər keçirilib.
Təlimlərdə Abşeron Rayon İcra Hakimiyyətinin başçısı aparatının əməkdaşları, rayonda fəaliyyət göstərən idarə və müəssisələrdə çalışan dövlət qulluqçuları da iştirak ediblər.
