Sumqayıt Regional Mədəniyyət İdarəsinə tabe olan Abşeron rayon Ceyranbatan qəsəbə uşaq incəsənət məktəbinin kamança ansamblı "Astana Stars" Beynəlxalq vokal-instrumental yarışmasında iştirak ediblər.
Onlayn formatda keçirilən müsabiqədə Ceyranbatan qəsəbə uşaq incəsənət məktəbinin yetirmələrinin təmsil olunduğu ansambl I dərəcəli laureat adına layiq görülüb. Ansamblın üzvləri məktəbin kamança ixtisası üzrə şagirdlərindən Elvin Həsənzadə, Roza Məmmədova, Xəyal Musazadə, Aydan Şıxəliyeva, Səma Əbdülhüseynli ibarətdir.
Şagirdləri müsabiqəyə müəllimlər Nəsibə Rəsulova və Təranə Kazımova hazırlayıblar. Ansamblı nağarada məktəbin şagirdi Vüsal Mərdəliyev müşayiət edib.