Sumqayıt Regional Mədəniyyət İdarəsinin tabeliyində olan Abşeron rayonu Qobu qəsəbə Uşaq İncəsənət məktəbi “Bura Vətəndir” adlı hesabat konsert proqramı ilə çıxış edib. Qobu qəsəbə Mədəniyyət evində keçirilən tədbir “Şuşa İli” çərçivəsində hazırlanıb.
İştirakçılar əvvəlcə məktəblilər tərəfindən vətənpərvərlik mövzusuna həsr olunan rəsm və əl işlərindən ibarət sərgiyə baxış keçirdiblər.
Konsertdə məktəbin şagirdlərindən ibarət xor kollektivi və uşaq ansamblı maraqlı və rəngarəng ifalarla çıxış ediblər. Şagirdlər, həmçinin fortepiano, kamança, klarnet və qarmon alətlərində sola ifaların təqdim ediblər. Müəllimlərdən ibarət ansamblın ifa etdiyi musiqi nömrələri də iştirakçılar tərəfindən maraqla qarşılanıb.
Konsertdə Abşeron RİH-in əməkdaşları, Sumqayıt Regional Mədəniyyət İdarəsinin rəhbərliyi və qəsəbə sakinləri iştirak edib.
