Abşeron rayon Mədəniyyət Mərkəzində Türk-Oğuz əfsanələrinin motivləri əsasında “Səhnə” teatrının hazırladığı "Qurd əfsanəsi" monotamaşası təqdim olunub.
Tamaşada "Qurd əfsanəsi" dilindən və dinindən asılı olmayaraq yer üzündə müəyyən sərhədlər daxilində yaşayan insanlara yardım edən, Tanrının göndərdiyi ilahi qüvvə kimi təqdim edilir. Səhnə əsərində Tanrı qurdu şər qüvvələrə qarşı aparılan mübarizədə insana kömək etmək, yol göstərmək üçün səmadan yer üzünə göndərir.
Monotamaşanın müəllifi Xaqani Əliyev, quruluşçu rejissoru Namiq Ağayevdir. Səhnə əsərində “Şaman” obrazında aktyor Tural Əziz çıxış edir.
Qeyd edək ki, tamaşa "EU4Culture" – “Şərq tərəfdaşlığı ölkələrində mədəni inkişaf strategiyalarının hazırlanmasında qeyri-paytaxt şəhər və rayonlarına dəstək” layihəsi çərçivəsində Xırdalan bələdiyyəsinin təşkilatçılığı ilə təqdim olunub.