Prezident İlham Əliyev aprelin 7-də “Ağdaş və Bərdə rayonlarında təhsil infrastrukturunun inkişafı ilə əlaqədar tədbirlər haqqında” Sərəncam imzalayıb.
Ağdaş və Bərdə rayonlarında cəmi 412 şagird yerlik modul tipli 9 məktəbin quraşdırılması məqsədilə Prezidentin 2018-ci il 22 yanvar tarixli Sərəncamı ilə təsdiq edilmiş “Azərbaycan Respublikasının 2018-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.11.2-ci yarımbəndində göstərilmiş məbləğin 2 milyon 595 min manatı Təhsil Nazirliyinə ayrılıb.
Sərəncama əsasən Ağdaşın Xınaxlı, Malay, Əmirmahmud, Binələr və Bulaqotağı, Bərdənin İmamqulubəyli, Böyük Qəcər, Nəcəfqulubəyli və Təhlə kəndlərində modul məktəblər quraşdırılacaq.