Abşeron rayon, Xırdalan şəhər 1 saylı körpələr evi-uşaq bağçasında, bağçanın fəaliyyət planına əsasən rayonun 55 illik yubileyinə həsr olunmuş kollektiv baxış xarakterli açıq məşğələ keçirilib.
Fiziki mədəniyyət məşğələsi orta qrupda 3-4 yaşlı körpələrlə verilib. Tərbiyəçi-müəllim Rəvanə Binyəova ilk növbədə qarşıdan gələn bayramlar haqda uşaqlara məlumat verib. Qeyd olunub ki, idman məşğələsi rayonun yaranmasının 55 illiyi, dünya Azərbaycanlılarının həmrəyliyi günü və yeni il bayramı ərəfəsində keçirilir.
Bayramlar haqda qısa məlumat verən tərbiyəçi məşğələnin hərəkətli-musiqili hissəsinə start verib. İyirmi dəqiqə ərzində keçirilən məşğələdə müxtəlif idman hərəkətləri,oyunlar və yarış keçirilib.
Məşğələnin sonunda məktəbə hazırlıq qrupunun uşaqları Abşeron rayonuna həsr olunan şeir və mahnı nömrələri ilə çıxış ediblər.
Bağçanın müdiri Vüsalə Məşədiyeva çıxışında uşaqlara yaradılmış gözəl şəraitə görə rayon rəhbərliyinə və körpələrin düzgün inkişafını təmin etdiklərinə görə bağça müəllimələrinə öz təşəkkürünü bildirib.
Tədbirin sonunda məşğələnin gedişi müzakirə olunub və bütün tərbiyəçilərə uğurlar arzulanıb.
