Abşeron rayon, Digah qəsəbə 6 saylı uşaq bağçasının məktəbəhazırlıq qrupunda Savad təlimi üzrə açıq məşğələ keçirilib. Savad təlimi üzrə məşğələni tərbiyəçi Aytən Məmmədova tədris edib. Savad təlimi məşğələsində “«G» səsi və g hərfi” tədris edilib. Məşğələdə uşaqlar tanış olduqları hərflər üzrə tapşırıqlar icra edərək biliklərini nümayiş etdirdilər. Tədqiqatı aparmaq üçün qruplarla iş aparılıb. Körpə fidanlar 4 qrupa bölünüb, qrup daxilində lider seçiblər. Qruplara tapşırıq və iş vərəqləri paylanılıb. Təlimdə həmçinin mövzunun öyrənilməsi üçün motivasiya qurulub, uşaqlara qrup işində “G ” necə tələffüz edilir? “G ” səsi sözün hansı hissəsində işlənilir?, “G ” səsinin hansı xüsusiyyətləri var?, “G ” səsi necə səsdir?, tərkibində “G” səsi olan sözlərin tapıb şəkillərini çəkilməsi üçün düşündürücü suallar verilib.
Qruplar öz işlərini təqdim etdikdən sonra tərbiyəçi müəllim tərəfindən onların işi müzakirə olunub.
Bağçanın müdiri Aygün Məmmədova aparılan təlim-tərbiyə işinin nəticəsində uşaqların zəruri bilik və məlumatlara yiyələndiklərini, bağçada bir çox istiqamətlərdə müsbət təcrübə toplandığını qeyd edib
Abşeron rayon İcra Hakimiyyətinin başçısı İradə Gülməmmədovanın məktəbəqədər təhsilə göstərdiyi qayğı nəticəsində əldə edilən nailiyyətlərdən, körpə fidanların hərtərəfli inkişafı ilə əlaqədar həyata keçirilən uğurlu layihələrdən bəhs edən S.Qasımov bildirib ki, rayonda son illər ərzində 50-dən çox müasir tipli məktəb və bağça tikilib istifadəyə verilib.