Xırdalan şəhərində yerləşən 23 saylı körpələr evi- uşaq bağçası 1979-cu ildən fəaliyyət göstərir. Bu illər ərzində minlərlə uşaq bu bağçada tərbiyə almışdır. Hazırda burada 130 uşaq tərbiyə alır. Bağça rayonun daxili imkanlar hesabına təmir olunmuş və hər cür ləvazimatlarla təmin olunmuşdur. Bu il 55 uşaq (27 rus və 28 azərbaycan bölməsi) bağçadan məktəbə yola salınacaqdır. Bu münasibətlə bayramsayağı bəzədilmiş bağçanın həyətində Abşeron RİH-in əməkdaşlarının və valideynlərin iştirakı ilə rus bölməsinin “Əlvida bağça – salam məktəb” adlı musiqili-əyləncəli tədbiri keçirilib.
Tədbirdə bağçanın rus bölməsinin fidanları tərəfindən müxtəlif səhnələşdirilmiş nömrələr, rəqs və mahnılar, xorun ifası tədbir iştirakçılarının alqışları ilə qarşılanıb.
Sonra bağçasının müdiri Aybəniz Sadıxova qonaqları salamlayıb, bağçanın fəaliyyəti barədə məlumat verib.
Abşeron RİH-in əməkdaşı Seymur Qasımov ölkə rəhbərliyi tərəfindən respublikada təhsil sahəsində aparılan işlər və Abşeron rayonunda həyata keçirilən layihələr barədə ətraflı məlumat verib, bağçanın pedaqoji kollektivinə uğurlar arzulayaraq bu il məktəbə gedəcək birinciləri təbrik edib.
Tədbirin sonunda balaca fidanlara fotolarından ibarət albom, hədiyyələr təqdim edilb və tort kəsilib.
